О́zara tatýlyq pen túsinistik – turaqtylyq kepili

Keshe Qazaqstan Respýblıkasynyń Memlekettik hatshysy Gúlshara Ábdiqalyqova Aqtóbe óńirine jumys saparymen keldi. Jumys saparynyń alǵashqy kúni Memlekettik hatshy «Zaıyrly qoǵam jáne joǵary rýhanııat – birlik pen kelisim kepili» taqyrybyndaǵy óńiraralyq semınarǵa qatysty. Semınar jumysyna, sondaı-aq, Aq­tóbe, Atyraý, Batys Qa­zaq­­stan, Qyzylorda jáne Mań­­ǵystaý oblystarynyń mem­le­­ket­tik or­gandarynyń, úkimet­tik emes uıym­dary men dinı bir­les­tik­teriniń ókilderi de qatysty. Se­mınarǵa qatysýshylar «100 naqty qadam» Ult Josparynyń «Birtektilik pen birlik» 4-shi ıns­tıtýttyq baǵytyn júzege asy­rý, konfessııaaralyq qarym-qaty­nas­tardy úılestirý jáne dinı eks­tremızmniń aldyn alý boıynsha keshendi máselelerdi talqylady. Semınardy oblys ákimi Ber­dibek Saparbaev kirispe sóz sóı­lep ashyp, Elbasynyń bas­ty tap­syrmasy ulttar men kon­­fes­sııa­aralyq tatýlyq pen túsi­nis­tikti qalyptastyrýda, birlikti ny­ǵaıtýda naqty jumystar jasa­lyp jatqanyna toqtala kelip, óńirde 10 konfessııadan tura­tyn 89 dinı birlestiktiń jumys isteıtinin jetkizdi. Dinı ekstremızm men terrorızm­ge qarsy júıeli jumystar júrgizilip jatqanymen, sheshimin kútken máselelerdiń bar ekenin de ja­syrmady. Bul baǵytta «Ańsar» aqparattyq-keńes berý orta­ly­ǵynyń dinı saýattylyqty jetil­dirýge, túsinik jumystaryn júr­gizetin, dinı jat aǵymǵa boı aldyrýshylyq baıqalatyn Mu­ǵaljar, Temir jáne Baıǵa­nın aýdandarynda mundaı keleń­sizdiktiń aldyn alý úshin Temir aýdanynda arnaıy ortalyq quryl­ǵanyn baıandady. О́z kezeginde sóz alǵan Mem­­le­kettik hatshy Elbasy N.Nazarbaev­tyń Qazaqstandy de­mo­­kra­tııalyq, zaıyrly jáne ekono­mıkalyq damyǵan memleket retinde damý vektoryn naqty aıqyndap bergenine toqtaldy. «Máńgilik El» jalpyulttyq pat­rıottyq ıdeıasynyń mańyzdy qundylyǵy – zaıyrly qoǵam jáne joǵary rýhanııat elimizdiń barlyq azamattaryn birigýge shaqyrady. Osy qundylyqtardy qalyp­tastyrýǵa jáne damytýǵa memle­kettik organdar men azamattyq qo­ǵam­nyń kúshin baǵyttaý kerek», – dep atap ótti Gúlshara Naý­shaqyzy. Qazaqstan Respýblıkasynyń Má­denıet jáne sport vıse-mı­­nıstri Marat Ázilhanov din máselesine qatysty prob­­­le­malardy sheshý joldaryn naq­­ty aıtyp ótti. Oral jáne Aq­tóbe ar­hıe­pıs­kopy Antonıı bizdiń eldegi­deı dinge degen shynaıy kóz­qarastyń esh elde joq ekenin aıta kelip, dinniń biriktirýshilik qýaty mol ekenin áńgime ózegine aınaldyrdy. Atyraý oblysy ákiminiń orynbasary Shyńǵys Muqanov óńirdegi dinı ekstremızmge jáne jat aǵymdarǵa boı aldy­rý­shylyqtyń aldyn alýǵa baıla­nysty izdenister týraly oılary­men, halyqty alańdatyp otyr­ǵan máseleni sheshýdegi tájirı­belerimen bólisti. Sapary barysynda Mem­leket­tik hatshy memlekettik-je­kemenshik áriptestigi aıasynda sa­lynǵan, barlyq talaptarǵa saı keletin, qazirgi zamanǵy qural-jabdyqtarmen jabdyqtalǵan «Aılın» balalar baqshasynda bolyp, onyń jumysymen tanysty. Qazirgi tańda bul balabaqshada 450 bala tárbıelenýde. Balabaqshany jeke kásipker Zámzágúl Baımaǵam­betova paıdalanýǵa berdi. Balalar mekemesiniń qurylysyna 700 mıllıon teńge ınvestısııa salyn­ǵan. Bul onyń memlekettik-jeke­menshik áriptestigi aıasynda salǵan tórtinshi balabaqshasy eken. Osy tórt balabaqshada 200-den astam jumys oryndary ashylǵan. Sondaı-aq, G.Ábdiqalyqova «Fı­zıka-matematıka baǵytyndaǵy Nazarbaev zııatkerlik mekte­bi» oqýshylarynyń shyǵarma­shy­­lyǵymen, ǵylymı-jobalyq ju­mys­tarynyń kórmesimen jáne júr­gizilip jatqan áleýmet­tik tájirıbelermen tanysty. Oblys­tyń áıelder qaýymymen – más­lıhat depýtattary, memle­kettik organdar basshylary, bıznes-qaýymdastyq, shyǵar­ma­shyl zııa­ly qaýym jáne úkimettik emes uıymdar ókilderimen kez­desti. Kez­desý barysynda Memle­ket bas­shy­synyń Ult Josparyn jú­zege asyrýǵa áıelderdiń belsen­di qaty­sýy, áıelder kásipkerligin qol­­daý, rýhanı-adamgershilik jáne otbasylyq qundylyqtardy ny­­ǵaıtý, otbasylyq-demogra­fııa­lyq saıasatty damytý máse­leleri talqylandy. «Elbasy Nursultan Nazarbaev­tyń «Qazaqstan jańa jahan­dyq naqty ahýalda: ósim, reformalar, damý» Joldaýy árbir qazaq­stan­dyqqa, sonyń ishinde el turǵyn­darynyń basym bóligin quraı­tyn áıelder qaýymyna jańa múm­­kindikter ashady. Atap ótý kerek, aqtóbelik kásipker qyz-ke­lin­­shekter osy múmkindikti tıimdi paı­dalanýda», – dep túıindedi oıyn Memlekettik hatshy. Memlekettik hatshy men aq­tó­belik áıel kásipkerlerdiń kez­desýinde shaǵyn jáne orta bıznesti damytýǵa baılanysty tyń oılar aıtylyp, utymdy usynystar ortaǵa salyndy. Satybaldy SÁÝIRBAI, «Egemen Qazaqstan». Aqtóbe oblysy.