QOSTANAI. 27 qańtar. Oblysta táýelsizdik jyldary 1300-den asa densaýlyq saqtaý, 1700-den asa bilim berý nysandary salynǵan. Baspasóz klýbynda jýrnalıstermen kezdesken oblys ákiminiń áleýmetik máseleleer jónindegi orynbasary Marat Júndibaev osylaı dedi. Bul týraly egemen.kz tilshisi habarlady.
Marat Qonysbaıuly jýrnalısterge negizinen táýelsizdik alǵan 24 jyl ishinde áleýmettik salada atqarylǵan jumystar týraly áńgimeledi. Ol shırek ǵasyrǵa jýyq ýaqytta oblystyń áleýmettik salasy serpindi damyǵanyn aıtty. Mysaly bilim salasyna bıýdjetten bólingen qarjy 3,4 mıllıard teńgeden 57,3 mıllıard teńgege deıin ósken. Densaýlyq, basqa salalardyń da qadamy osylaı qaryshty.
Munan keıin jýrnalıster suraqtaryna jaýap bergen oblys ákiminiń orynbasary bıyl oblysta táýelsizdiktiń 25 jyldyǵymen qatar Ybyraı Altynsarınniń týǵanyna 175, oblystyń qurylǵanyna 80 jyl tolýy merekeleri de keńinen atalyp ótetinin jetkizdi. Bıyl 1916 jylǵy ult-azattyq kóterilisine de 100 jyl tolady.
Názıra Járimbetova.
Derek, sýret: egemen.kz.