TARAZ. 27 qańtar. Úkimettiń Qaýlysymen 2015 jyldyń qańtary men 2016 jyldyń qańtar aıy aralyǵynda travmatıkalyq jáne gazben atylatyn qarý-jaraqty óz erikterimen jergilikti ishki ister bólimderine tapsyrý aksııasy ótti. Bul týraly egemen.kz tilshisi habarlady.
Jambyl oblystyq IID ákimshiliktik polısııasy basqarmasy basshysynyń mindetin atqarýshy Qasym Qulserikovtyń aıtýynsha, osy ýaqyt ishinde Jambyl oblysynyń ishki ister bólimderine turǵyndar tarapynan barlyǵy 1631 qarý-jaraq tapsyrylypty. Onyń 517-si travmatıkalyq qarý, 1114-i gaz-travmatıkalyq qarý. Osy bir jyl ishinde turǵyndardan 1637 ótinish túsken. Qarý-jaraqty qabyldap alý komıssııasy jalpy sommasy 82 mıllıon 80 myń teńgeni quraıtyn 1610 dana qarýdy satyp alýǵa sheshim qabyldapty. Onyń 77 mıllıon 797 myń teńgesi tólendi. Qalǵan qarjy bıyl tolyǵymen tólenedi.
Budan bólek 50 qarý tirkeý merziminiń ótip ketýine baılanysty tapsyrylǵan. Ol qarý ıeleri ákimshiliktik jaýapkershilikke tartylyp, 258 myń teńge kóleminde aıyp tóledi.
Oralhan Dáýit.
Derek, sýret: egemen.kz