Basty talap – memlekettik qyzmetshilerdiń kásibıligi

Keshe elordada elimiz Táýel­sizdiginiń 25 jyldyǵyna arnalǵan «Nursultan Nazarbaevtyń memle­kettik saıasatynyń tıimdi modeli» atty  bolyp ótti. Atalǵan shara­nyń Memlekettik qyzmet is­teri mınıstrligi men Prezıdent ja­nyndaǵy Memlekettik basqarý akademııasy birlese uıymdastyrdy. Is-shara barysynda Memlekettik qyzmet isteri mınıstri Talǵat Donaqov Elbasynyń basshyly­ǵy­men qazirgi zaman talabyna ja­ýap be­re­tindeı tıimdi memleket, so­nyń ishinde qoǵamǵa jáne onyń ár­bir mú­shesine qyzmet etýge baǵyttalǵan kásibı memlekettik apparat qurylǵandyǵyn erekshe atady. «Forýmnyń Memlekettik basqarý akademııasynyń zalynda ótýiniń nyshandyq máni bar. О́z kezinde munda elimizdiń damýy men nyǵaıýyna qatysty mańyzdy zań jobalary qabyldandy», dedi mınıstr. T.Donaqov, sondaı-aq, forým jumysyna Parlament Senatynyń depýtattary, memlekettik organdar men memlekettik qyzmet salasynyń basshylary, memlekettik qyzmet­shiler men sarapshylar qatysyp otyr­ǵandyǵyn da qaperge sala ketti. Oty­rysqa moderatorlyq etken aka­demııa rektory Bolatbek Ábdirásilov elimizdiń táýelsiz de tabysty bolyp aıaǵynan nyq turýy Memleket basshysynyń esimimen tikeleı baılanysty ekendigin erekshe atady. «Ártúrli halyqaralyq deńgeı­degi pikirtalas alańdarynda el Prezıdentiniń Qazaqstannyń jo­ǵary álemdik standarttarǵa je­týine baǵyttalǵan Bes ınstıtýttyq refor­masy sheńberindegi saıası bastamalary talqylanady jáne joǵary baǵasyn da alyp júr. Son­dyqtan da atalǵan forým mem­­le­kettik saıasattyń tıimdi mode­­lin qurǵan Elbasynyń feno­meni men tarıhı róline arnalyp otyr», dedi akademııa rektory. Qazaq­stan Táýelsizdigi «Qazaq­stan Res­pýblıkasynyń mem­le­ket­­tik táýel­sizdigi týraly» Kons­tıtý­sııalyq zańda beki­til­gendigin til­ge tıek etken B.Ábdi­rá­silov kelesi sóz­di atalǵan zań joba­syn ázir­­leý­shilerdiń biri, qazir Mem­lekettik basqarý akademııasynyń professory Zınaıda Fedotovaǵa berdi. «Álemniń kóptegen elderiniń memlekettik qaıratkerleri men sarapshylary jáne ǵalymdary áli de jas sanalatyn Qazaqstan Respýblıkasynyń sheshimdi túrde tarıhtyń qaltarystarynda qalyp qoımaı, planetanyń eń teńgerimdi damý jolyna túsken elderi qata­ryna baryp qosylǵandyǵy týraly oılaryn jetkizýde», dep atap ketti Z.Fedotova. Onyń aıtýynsha, Qazaqstannyń memlekettik damý tájirıbesi kóptegen jas mem­leketterdiń demokratııalyq ór­ken jaıýyna óziniń tıimdi ekenin kórsete alady. Al Memlekettik qyzmet sala­syndaǵy О́ńirlik hab basqarýshy komıtetiniń tóraǵasy Álıhan Baımenov álem damýdyń jańa kezeńine kirgendigin erekshe atady. «Memleketter men ekonomıkalar arasyndaǵy básekelestiktiń jańa deńgeıge kóterilýi baıqalýda. Sol sebepten de elderdiń básekelestikke qabilettiligin anyqtaýda, órken­deýinde, damýynda erekshe oryn alatyn memlekettik qyzmet te jańa deń­geıge kóterilýi tıis», dedi Á.Muhamedııauly. Bul rette, basqarýshy komıtet tóraǵasynyń paıymynsha, bul faktordyń pármendiligin memle­kettik qyzmetshilerdiń eńbek sa­pasy anyqtaıdy. «Búgingi kúni Mem­le­ket basshysy N.Nazarbaevtyń «100 naqty qadam» Ult Josparyna sáıkes, Qazaqstanda ozyq zańdar qalyptasty», dep sózin sabaqtaǵan Á.Baımenov, endeshe, olardy júzege asyrýǵa qarymdy memlekettik appa­rat qajettigi oıymen de bó­lis­ti. Basqa qatysýshylar da eli­miz­diń ári qaraıǵy damýy úshin «Qazaqstan-2050» Strategııasy qabyl­danyp, aldymyzǵa memleket pen halyqqa qyzmet isteýi tıis kási­bı memlekettik apparat qurý min­deti qoıylyp otyrǵandyǵyna erekshe nazar aýdardy. Sondyqtan da memlekettik qyzmetshilerden zańdardyń ústemdik qurýy, quqyq­tyq mádenıettiń saqtalýy men taza básekelestik talap etilýde. Is-shara sońynan forýmǵa qa­tysýshylarǵa jas memlekettik qyz­metshiler ózderiniń Elbasynyń saıasatyn qoldaıtyndyqtaryn, sonymen qatar, Bes ınstıtýttyq reforma sheńberinde «100 naqty qadam» Ult Josparyn sapaly da sátimen iske asyrý úshin kúsh-jigerlerin jumsaýǵa daıyn ekendikterin bildirdi. Asqar TURAPBAIULY, «Egemen Qazaqstan».