Naqty ister ýaqyty

Eldiń erteńine qatysty El­ba­synyń baǵdarlamalyq maqalasyn bir demde oqyp shyqqan edim. Qolyma qaryndashymdy alyp, astyn syzyp turyp zerdeleı tús­kende, oıym sonaý ótken jyl­darǵa ketti. Qaı klassıktiń aıtqany naqty esimde joq, biraq maǵynasy – ulylyq ýaqyt óte, jyldar arasy qashyqtaǵan saıyn aıqyndala túsedi degen. Bizdiń táýelsizdigimizge nebári 25 jyl endi tolady, al osy ýaqyttyń ishinde qazaqstandyqtar óziniń Elbasymen birge kóptegen qıyn­dyqtardy jeńip, úlken jetis­tikterge qol jetkizdi. Qazaq jurtynyń naryqtyq ekonomıkany betke ustap, kóshin túzegen tusynda bizdiń eldiń bolashaǵyna qatysty kúmándi oı aıtýshylardyń qatary az bolmaǵany aıan. О́tken jyldardaǵy tarı­hy­myzǵa kóz jibersek, Nursultan Ábishuly 1995 jyly memlekettiń, ondaǵy ár azamattyń taǵdyryna qatysty jaýapkershilikti óz ıyǵyna artyp, birneshe aıdyń ishinde 150-den astam zańǵa qol qoıyp, ol Qazaqstannyń ári qaraıǵy damýyna jol ashty. Sol kezde Ata Zańymyz qabyldandy. Jas memleket, óziniń qajet ınstıtýttarynyń zańdyq negizin endi qalaı otyryp, tól teńgesin dúnıege ákelip, básekelestikke toly álemde aldy­na qoıǵan keýdeli maqsattaryn jarııa etti. 1997 jyly Prezıdent Nazarbaev «Qazaqstan-2030» Strategııasyn usynǵan kezde aramyzda «Mun­daı qııalǵa be­rilgenshe, ýaqtyly zeınetaqy men jala­qyny tólep, jaryq pen jylý­dy berýdi durys­tańdar», deı­tinder kóp edi. Qazir ol sózder umy­­­tyldy, óıtkeni, bizdiń elimiz aldyńǵy qatardaǵy ozyq elýliktiń qatarynda. Endi odan da joǵary – al­­­dyńǵy otyzdyqqa ený maqsaty tur. О́z basym Elbasy Nursultan Nazarbaev usyn­ǵan Jospardyń tabysty bolatynyna kámil senemin. Alǵash ret 5 ınstıtýttyq reformany júzege asyrý jónindegi Ult Jospary «Nur Otan» par­tııa­synyń XVI sezinde jarııalanyp, Prezıdent tapsyrmasymen 5 ınstıtýttyq reformany júzege asyrýdaǵy «100 naqty qadam» jasaldy. Az ýaqyt ishinde 60-tan astam zań qabyldandy. Elbasy óziniń baǵdarlamalyq maqalasynda kórsetkendeı, olar­dyń barlyǵy «...memleketti, eko­nomıka men qoǵamdy damytý úshin qaǵıdatty jańa qu­qyqtyq orta qalyptastyrdy...». Bul 1995 jyly bizdiń Prezıdenti­miz atqarǵan asa jaýapty, óte aý­qym­dy jumystardy elestetedi. Prezıdenttiń baǵdarlamalyq maqalasynda barlyq baǵyt aıqyn kórsetilgen. Onyń árbir pýnktiniń máni erekshe, mańyzy joıqyn. Memleketti kásıbılendirý, quqyq tártibi jáne zańdylyq, ındýstrııa­landyrý jáne ekonomıkalyq ósý, qoǵamǵa esep beretin ashyq mem­leket, ult birligi syndy ma­ńyzdy máselelerdiń barlyǵy qam­tylǵan. Men joǵaryda Jos­parda kórsetilgen qatardy ádeıi ózgerttim. Sebebi, maqalada El­basynyń basty maqsaty– áleý­mettik jetilgen, ekonomıkasy qýatty, ósip-órkendeýshi Qa­zaq­­­stan­nyń damýy halyqtyń birtutastyǵynda ekendigi kórinip tur. Sondyqtan da Memleket basshysy baǵdarlamalyq maqalanyń bir bólimin «Reformalar tabysy – ult birligine bastar jol» dep ataıdy. Men barsha qazaqstan­dyq­tar­dyń Ult Josparyn jan-jaq­ty qoldap otyrǵanyna, ony eldiń kemel bolashaǵyna jol ashatyn naqty qadamdar dep qabyldaǵanyna qýanyshtymyn. Saltanat RAHYMBEKOVA, «Jasyl ekonomıka úshin jáne G-GLOBAL-dy damytý» koalısııasy basqarmasynyń tóraıymy. ASTANA.