Ortalyq kommýnıkasııalar qyzmetiniń Taldyqorǵandaǵy fılıalynda «Saılaý týraly» Zańnyń BAQ-tarda saqtalýy boıynsha baspasóz máslıhaty bolyp ótti. Onda Almaty oblysy ákiminiń orynbasary Baqtııar О́nerbaev jýrnalısterge «Saılaý týraly» zańdy jan-jaqty túsindirip berdi.
Búgingi tańda osy zańnama sheńberinde júrgizilip jatqan jumys barysynda saılaý zańdylyqtaryn saqtaý asa mańyzdy. Ras, ár úmitker óziniń saıası baǵdarlamasyn gazet arqyly jan-jaqty jetkizýge, teledıdardan ashyq áńgime órbitýge talpynady. Sonyń barlyǵynda saılaý týraly zańnamanyń buzylmaýy talap etiledi.
О́z kezeginde sóz alǵan Almaty oblystyq ishki saıasat basqarmasynyń basshysy Ǵalıasqar Sarybaev saılaýaldy úgit-nasıhat jumystarynda úmitkerlerdiń buqaralyq aqparat quraldarynda quqyqtary saqtalyp, barlyǵyna bir retti múmkindik beriletindigine kepildik bolatynyn jetkizdi. Efırge shyǵý, basylymdarda jarııalaý aqyly negizde kelisimshart arqyly júrgiziledi. Jalǵan aqparat taratýǵa, ar-namysqa tııýge qatań tyıym salynady.
Parlament Májilisiniń Kezekten tys saılaýy Qazaqstan Respýblıkasy Ortalyq saılaý komıssııasy bekitken kestege sáıkes júrgiziletinin ákimdik habardar etti. Osylaısha depýtattyqqa úmitkerlerdiń saılaýaldy jumysy bastaldy. Barlyq úmitker, zańnama talaby boıynsha, saılaý komıssııalarynda tirkelýi tıis. Oblysta depýtattyqtan úmitkerlerdi saılaýdyń 44 okrýginiń shekarasy anyqtaldy. Jalpy, Jetisýda 918 aýmaqtyq saılaý komıssııasy bar. Saılaý naýqany ashyq túrde júrgiziletini belgili. Al jýrnalıster sol jumystyń jarııalylyǵyn qamtamasyz etýi tıis.
Nurbol ÁLDIBAEV,
«Egemen Qazaqstan».
Almaty oblysy.