2015 jylǵy 31 jeltoqsan, Astana, Úkimet Úıi
Qazaqstan Respýblıkasy Úkimetiniń «Áleýmettik mańyzy bar azyq-túlik taýarlarynyń tizbesin bekitý týraly» 2010 jylǵy 1 naýryzdaǵy № 145 jáne «Azyq-túlik qaýipsizdiginiń jaı-kúıine monıtorıng júrgizý erejesin bekitý týraly» 2010 jylǵy 12 sáýirdegi № 296 qaýlylaryna ózgerister engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Úkimetiniń keıbir sheshimderine mynadaı ózgerister engizilsin:
1) «Áleýmettik mańyzy bar azyq-túlik taýarlarynyń tizbesin bekitý týraly» Qazaqstan Respýblıkasy Úkimetiniń 2010 jylǵy 1 naýryzdaǵy № 145 qaýlysynda (Qazaqstan Respýblıkasynyń PÚAJ-y, 2010 j., № 20-21, 152-qujat):
kirispe mynadaı redaksııada jazylsyn:
«Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi Qazaqstan Respýblıkasynyń Zańy 5-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:»;
2) «Azyq-túlik qaýipsizdiginiń jaı-kúıine monıtorıng júrgizý erejesin bekitý týraly» Qazaqstan Respýblıkasy Úkimetiniń 2010 jylǵy 12 sáýirdegi № 296 qaýlysynda:
taqyryp mynadaı redaksııada jazylsyn:
«Azyq-túlik qaýipsizdiginiń jaı-kúıine monıtorıng júrgizý qaǵıdalaryn bekitý týraly»;
kirispe mynadaı redaksııada jazylsyn:
«Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi Qazaqstan Respýblıkasynyń Zańy 5-babynyń 3) tarmaqshasyn iske asyrý maqsatynda Qazaqstan Respýblıkasynyń Úkimeti qaýly etedi:»;
1-tarmaq mynadaı redaksııada jazylsyn:
«1. Qosa berilip otyrǵan Azyq-túlik qaýipsizdiginiń jaı-kúıine monıtorıng júrgizý qaǵıdalary bekitilsin.»;
kórsetilgen qaýlymen bekitilgen Azyq-túlik qaýipsizdiginiń jaı-kúıine monıtorıng júrgizý erejesi osy qaýlyǵa qosymshaǵa sáıkes jańa redaksııada jazylsyn.
2. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2015 jylǵy 31 jeltoqsandaǵy
№1164 qaýlysyna qosymsha
Qazaqstan Respýblıkasy Úkimetiniń 2010 jylǵy 12 sáýirdegi
№296 qaýlysymen bekitilgen
Azyq-túlik qaýipsizdiginiń jaı-kúıine monıtorıng júrgizý qaǵıdalary
1. Osy Azyq-túlik qaýipsizdiginiń jaı-kúıine monıtorıng júrgizý qaǵıdalary (budan ári – Qaǵıdalar) «Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi Qazaqstan Respýblıkasynyń Zańy (budan ári – Zań) 5-babynyń 3) tarmaqshasyna sáıkes ázirlendi jáne azyq-túlik qaýipsizdiginiń jaı-kúıine monıtorıng júrgizý tártibin aıqyndaıdy.
2. Azyq-túlik qaýipsizdiginiń jaı-kúıine monıtorıng Zańnyń 19-2-babyna sáıkes mynalarǵa:
1) azyq-túlik taýarlary óndirisiniń kólemine, olardyń taýar qozǵalysyna jáne qorlarynyń bolýyna;
2) azyq-túlik taýarlarynyń óńirlik turaqtandyrý qorlarynyń qalyptastyrylýyna, bolýyna jáne paıdalanylýyna;
3) áleýmettik mańyzy bar azyq-túlik taýarlarynyń baǵasyna qatysty júrgiziledi.
3. Azyq-túlik qaýipsizdiginiń jaı-kúıine monıtorıng osy Qaǵıdalardyń 2-tarmaǵynda kórsetilgen baǵyttardy eskere otyryp, osy Qaǵıdalarǵa qosymshaǵa sáıkes azyq-túlik qaýipsizdigi jaı-kúıiniń monıtorıngi kórsetkishteriniń tizbesi (budan ári – kórsetkishter tizbesi) boıynsha júrgiziledi.
Kórsetkishter tizbesi osy Qaǵıdalardyń 2-tarmaǵynda mynalarǵa:
1) 1-den 3-ke deıin – azyq-túlik taýarlary óndirisiniń kólemine;
2) 4-ten 27-ge deıin – azyq-túlik taýarlary qozǵalysyna;
3) 28-den 32-ge deıin – áleýmettik mańyzy bar azyq-túlik taýarlarynyń baǵasyna;
4) 33-ten 35-ke deıin – azyq-túlik taýarlarynyń óńirlik turaqtandyrý qorlarynyń qalyptastyrylýyna, bolýyna jáne paıdalanylýyna;
5) 36 – azyq-túlik taýarlary qorlarynyń bolýyna qatysty kózdelgen azyq-túlik qaýipsizdiginiń jaı-kúıine monıtorıngtiń baǵyttaryn qamtıdy.
4. 1-den 31-ge deıingi kórsetkishterdi esepteý Birikken Ulttar Uıymy Azyq-túlik jáne aýyl sharýashylyǵy uıymynyń (budan ári – BUU FAO) ádisnamasy boıynsha, 32-den 35-ge deıingiler – memlekettik statıstıka salasyndaǵy ýákiletti organ vedomstvosynyń ádisnamalary boıynsha, 36 kórsetkish boıynsha – aýyl sharýashylyǵy kásiporyndaryndaǵy, sharýa nemese fermer qojalyqtaryndaǵy, astyq qabyldaý pýnktteri men elevatorlardaǵy, saýda oryndaryndaǵy azyq-túlik taýarlarynyń qaldyǵyn jıyntyqtaý jolymen júzege asyrylady.
5. 4-tarmaqqa sáıkes 1-den 35-ke deıingi kórsetkishterdi esepteýdi memlekettik statıstıka salasyndaǵy ýákiletti organnyń vedomstvosy, 36 kórsetkish boıynsha – jergilikti atqarýshy organdar júrgizedi.
6. Memlekettik statıstıka salasyndaǵy ýákiletti organnyń vedomstvosy qolda bar resmı statıstıkalyq aqparattyń, sondaı-aq ákimshilik derekter men halyqaralyq uıymdardyń derekteri negizinde qalyptasqan 1-den 35-ke deıingi kórsetkishter boıynsha derekterdi óziniń ınternet-resýrsynda jyl saıyn jyldyń qorytyndysy boıynsha birinshi toqsannyń sońyna deıin, sondaı-aq olardyń kelip túsýine qaraı ornalastyrady.
Aýdandyq deńgeıdegi jergilikti atqarýshy organdar aýyl sharýashylyǵy kásiporyndarynan, sharýa nemese fermer qojalyqtarynan, astyq qabyldaý pýnktteri men elevatorlardan, saýda oryndarynan derekter jınaýdy júzege asyrady jáne jyl saıyn, jyldyń qorytyndysy boıynsha birinshi toqsannyń sońyna deıin kúntizbelik 15 kún buryn 32 kórsetkish boıynsha olardy oblystyq deńgeıdegi jergilikti atqarýshy organdarǵa usynady.
Oblystyq deńgeıdegi jergilikti atqarýshy organdar oblystaǵy (astanadaǵy, respýblıkalyq mańyzy bar qaladaǵy) azyq-túlik taýarlary qaldyǵynyń kólemi týraly aqparatty birinshi toqsannyń sońyna deıin kúntizbelik 10 kún buryn agroónerkásiptik keshendi damytý salasyndaǵy ýákiletti organǵa (budan ári – ýákiletti organ) usynady.
7. Azyq-túlik qaýipsizdiginiń jaı-kúıine monıtorıngti jergilikti atqarýshy organdardyń jáne memlekettik statıstıka salasyndaǵy ýákiletti organ vedomstvosynyń derekteri negizinde, onyń ishinde naqty ýaqyt rejıminde ýákiletti organ júrgizedi.
8. Ýákiletti organ jyl saıyn BUU FAO jáne memlekettik statıstıka salasyndaǵy ýákiletti organnyń vedomstvosy kórsetkishter tizbesi boıynsha derekterdi ózderiniń ınternet-resýrstarynda jarııalaǵannan keıin, sondaı-aq jergilikti atqarýshy organdar azyq-túlik taýarlary qorlarynyń bar-joǵy týraly aqparatty usynǵannan keıin bir aı ishinde azyq-túlik qaýipsizdiginiń jaı-kúıine taldaý júrgizedi.
9. Taldaý Qazaqstan Respýblıkasynyń azyq-túlik qaýipsizdiginiń jaı-kúıin monıtorıngteý kórsetkishterin ózge elderdiń BUU FAO esepteıtin uqsas kórsetkishterimen salystyryp tekserý jolymen júrgiziledi.
10. Taldaý nátıjesi Qazaqstan Respýblıkasynyń Dúnıejúzilik ekonomıkalyq forýmnyń Jahandyq básekege qabilettilik ındeksi (budan ári – DEF JBI) reıtıngisindegi damyǵan 30 elden artta qalýyn anyqtaý bolyp tabylady.
11. Azyq-túlik qaýipsizdiginiń jaı-kúıin taldaý nátıjeleriniń negizinde ýákiletti organ óziniń elektrondyq ınternet-resýrsynda olardy ornalastyrý arqyly azyq-túlik qaýipsizdigi salasyndaǵy memlekettik elektrondyq aqparattyq resýrstardy qalyptastyrady.
12. Ýákiletti organ taldaýdyń negizinde Qazaqstan Respýblıkasynyń Úkimetine Qazaqstan Respýblıkasynyń DEF JBI reıtıngisindegi damyǵan 30 elden artta qalýy boıynsha kórsetkishterdi jaqsartý jónindegi usynystardy jiberedi.
Azyq-túlik qaýipsizdiginiń jaı-kúıine monıtorıng júrgizý qaǵıdalaryna qosymsha
Azyq-túlik qaýipsizdigi jaı-kúıiniń monıtorıngi kórsetkishteriniń tizbesi
R/s
№ Kórsetkish
1 2
1. Jalpy egistik alqaptarynan sýarý úshin jaramdy egistik jerlerdiń úlesi, %
2. Halyqtyń jan basyna shaqqandaǵy azyq-túlik óndirisiniń ortasha máni, bir adamǵa AQSh dollarymen
3. Halyqtyń jan basyna shaqqanda tamaq ónimderi óndirisiniń ózgergishtigi, bir adamǵa myń AQSh dollarymen
4. Joldardyń jalpy uzyndyǵynan qatty jabyndy joldardyń úlesi, barlyq joldardan %
5. Avtojoldardyń tyǵyzdyǵy, 100 sharshy kılometr alańǵa
6. Temir joldardyń tyǵyzdyǵy, 100 sharshy kılometr alańǵa
7. Jalpy halyq sany boıynsha qalypqa keltirilgen azyq-túlikti tutynýdyń qalypty deńgeıi joq halyqtyń belgili bir bóliginiń jetkilikti tamaqtanbaýy, kúnine bir adamǵa kkal
8. Ekonomıkalyq belsendiligine áser etýi múmkin jetkilikti tamaqtanbaýdyń qaýipti aımaǵyndaǵy halyqtyń úlesi, %
9. Naryqtaǵy qoljetimdi jalpy dándi daqyldar kólemindegi dándi daqyldar ımportynyń úlesi %
10. Saıası turaqtylyq jáne zorlyq-zombylyqtyń/terrorızmniń bolmaýy ındeksi, ındeks
11. Halyqtyń jan basyna shaqqanda azyq-túlik jetkizilimderiniń ózgergishtigi, kúnine bir adamǵa kkal
12. Tamaqtanýdyń ortasha energetıkalyq qundylyǵyndaǵy tamaqtanýdyń energetıkalyq qundylyǵynyń úlesi, %
13. Tamaqtanýdyń energetıkalyq qundylyǵynyń jalpy kóleminde dándi daqyldardan, tamyrjemistiler men túınekjemistilerden alynatyn tamaqtanýdyń energetıkalyq qundylyǵynyń úlesi, %
14. Aqýyzdyń ortasha tutynylýy, kúnine bir adamǵa gramm
15. Janýarlardan alynatyn aqýyzdyń ortasha tutynylýy, kúnine bir adamǵa gramm
16. Jalpy halyq sanynan toıyp tamaqtanbaý (ashtyq) qaýpi bar aımaqtaǵy halyqtyń úlesi, %
17. 5 jasqa deıingi júdeý balalardyń paıyzy, %
18. О́sýi jaǵynan artta qalǵan 5 jasqa deıingi balalardyń paıyzy, %
19. Salmaǵy jetkiliksiz 5 jasqa deıingi balalardyń paıyzy, %
20. Salmaǵy jetkiliksiz eresekterdin paıyzy, %
21. Júkti áıelder arasynda qanazdyqtyń taralýy, %
22. 5 jasqa deıingi balalarda qanazdyqtyń taralýy, %
23. Halyq arasynda A dárýmeni tapshylyǵynyń taralýy, %
24. Halyq arasynda ıod tapshylyǵynyń taralýy, %
25. Jaqsartylǵan sý kózderine qoljetimdilik, halyq sanynyń %-y
26. Jaqsartylǵan sanıtarııalyq-tehnıkalyq qurylystarǵa qoljetimdilik, halyq sanynyń %-y
27. Azyq-túlik ımporty qunynyń barlyq taýarlar eksporty qunynyń jalpy kólemine araqatynasy, %
28. Halyqtyń jan basyna shaqqandaǵy jalpy ishki ónim (satyp alý qabiletine balamada), bir adamǵa AQSh dollarymen
29. Otandyq azyq-túlik baǵalarynyń ındeksi, ındeks
30. Halyqtyń eń kedeı bóliginiń azyq-túlikke arnalǵan shyǵystarynyń úlesi, %
31. Tamaq ónimderine ishki baǵalardyń qubylmalylyǵy, ındeks
32. Áleýmettik mańyzy bar azyq-túlik taýarlarynyń baǵa ındeksi
33. О́ńirlik turaqtandyrý qorlaryna azyq-túlik taýarlaryn satyp alý kólemi, tonna
34. О́ńirlik turaqtandyrý qorlarynan azyq-túlik taýarlaryn ótkizý kólemi, tonna
35. О́ńirlik turaqtandyrý qorlaryndaǵy azyq-túlik taýarlary qaldyǵynyń kólemi, tonna
36. Azyq-túlik taýarlary qaldyǵynyń kólemi, tonna