2015 jylǵy 30 sáýir, Astana qalasy
Ruqsattar men habarlamalardyń memlekettik elektrondyq tizilimin júrgizý qaǵıdalaryn bekitý týraly
«Ruqsattar jáne habarlamalar týraly» 2014 jylǵy 16 mamyrdaǵy Qazaqstan Respýblıkasynyń Zańy 15-babynyń 2-1) tarmaqshasyna sáıkes buıyramyn:
1. Qosa berilip otyrǵan Ruqsattar men habarlamalardyń memlekettik elektrondyq tizilimin júrgizý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (S.S. Sarsenov):
1) Osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda osy buıryqtyń ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdiń Qazaqstan Respýblıkasy Investısııalar jáne damý mınıstrliginiń Zań departamentine usynylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Investısııalar jáne damý vıse-mınıstrine júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV.
«KELISILDI»
Qazaqstan Respýblıkasynyń Ulttyq ekonomıka
mınıstri _____________ E.DOSAEV
Qazaqstan Respýblıkasy Investısııalar jáne damý mınıstriniń
2015 jylǵy 30 sáýirdegi №543 buıryǵymen bekitilgen
Ruqsattar men habarlamalardyń memlekettik elektrondyq tizilimin júrgizý qaǵıdalary
1. Jalpy erejeler
1. Osy Ruqsattar men habarlamalardyń memlekettik elektrondyq tizilimin júrgizý qaǵıdalary (budan ári – Qaǵıdalar) «Ruqsattar jáne habarlamalar týraly» 2014 jylǵy 16 mamyrdaǵy Qazaqstan Respýblıkasynyń Zańy 15-babynyń 2-1) tarmaqshasyna sáıkes ázirlengen jáne ruqsattarmen habarlamalardyń memlekettik elektrondyq tizilimin elektrondyq nysanda júrgizý tártibin belgileıdi.
2. Ruqsattar men habarlamalardyń memlekettik elektrondyq tizilimin júrgizý:
1) lısenzııalar, ekinshi sanattaǵy ruqsattar jáne ruqsattar men habarlamalardyń memlekettik aqparattyq júıesi arqyly avtomattandyrýǵa jatatyn habarlamalar týraly málimetterdi júıeleý;
2) Qazaqstan Respýblıkasynyń jeke jáne zańdy tulǵalaryn ruqsattar men habarlamalardyń memlekettik elektrondyq tizilimindegi málimetter týraly aqparattandyrý maqsatynda júzege asyrylady.
3. Osy Qaǵıdalarda paıdalanylatyn negizgi uǵymdar:
1) qyzmet obektisi – zańdy nemese jeke tulǵa olarda (olardy paıdalana otyryp) qyzmettiń bastalǵany týraly habarlamany júzege asyrǵan ǵımarat, qurylys nemese ózge obektiler;
2) qyzmet obektisin sáıkestendrgish – zańdy nemese jeke tulǵa qyzmettiń bastalǵany týraly habarlamany júzege asyrǵan kezde kórsetiletin qyzmet obektisiniń biregeı nómiri jáne (nemese) ataýy;
3) ruqsattar men habarlamalardyń memlekettik elektrondyq tizilimi (budan ári – Tizilim) – berilgen, qaıta resimdelgen, toqtatyla turǵan, kúshi joıylǵan, uzartylǵan, qaıta bastalǵan jáne qoldanysy toqtatylǵan ruqsattar jáne olardyń telnusqalary týraly, sondaı-aq alynǵan habarlamalar týraly málimetter qamtylǵan ruqsattar men habarlamalardyń memlekettik aqparattyq júıesiniń quraýyshy;
4) ruqsattar men habarlamalardyń memlekettik aqparattyq júıesi (budan ári – júıe) – lısenzııalaýdy, sáıkestendirý nómirin bere otyryp, ruqsat alý bóliginde ruqsat berý rásimderin elektrondyq túrde júzege asyrýǵa, ótinish berýshiniń habarlama jiberýine jáne osy prosesterdi qamtamasyz etýge arnalǵan, «elektrondyq úkimettiń» quraýyshy bolyp tabylatyn aqparattyq júıe;
5) ruqsattyń mártebesi – ruqsat berý rásimin jáne lısenzııalaý rásimin júzege asyrýyna qaraı ózgertiletin ruqsattyń aǵymdaǵy jaǵdaıynyń sıpattamasy;
6) ruqsattyń biregeı sáıkestendirgish nómiri (budan ári – RBSN) – ruqsattar jáne habarlamalardyń memlekettik aqparattyq júıesinde osy Qaǵıdalar kúshine engenine deıin berilgen lısenzııalarǵa taǵaıyndalatyn biregeı sáıkestendirgish nómiri;
7) ruqsat boıynsha egjeı-tegjeıli málimetter – qujattyń barlyq derekterin jáne ruqsat mártebesin ózgertý tarıhyn qamtıtyn ruqsat boıynsha tolyq aqparat;
8) ruqsattar jáne habarlamalar salasyndaǵy ýákiletti organ (budan ári – ýákiletti organ) – ruqsattar men habarlamalar salasyndaǵy basshylyqty jáne salaaralyq úılestirýdi júzege asyratyn ortalyq memlekettik organ.
9) sáıkestendirý nómiri – elektrondyq qujatqa ruqsattar men habarlamalardyń memleketik aqparattyq júıesimen taǵaıyndalatyn nómir;
10) tarıhı derekter (tarıhı qujattar) – habarlamalardy qabyldaýdy júzege asyratyn ruqsat berý organdary men memlekettik organdarda ruqsattar men habarlamalardyń memlekettik elektrondyq tizilimin júrgizý múmkindigi ýaqytsha nemese udaıy bolmaǵan kezeńde berilgen nemese jiberilgen ruqsattar men habarlamalar týraly aqparat;
11) habarlama jasaý tártibi – qyzmetti nemese áreketterdi júzege asyrý bastalǵanǵa deıin jeke nemese zańdy tulǵanyń bul týraly osy Zańda belgilengen tártippen habarlamalardy qabyldaýdy júzege asyratyn memlekettik organdy habardar etý mindetin belgileý;
12) habarlama bergen sýbekt – qyzmettiń nemese árekettiń bastalǵany nemese toqtatylǵany týraly habarlamanyjúzege asyrǵan jeke nemese zańdy tulǵa;
13) habarlama jasaǵan sýbektiniń mártebesi – habarlama jasaýmen, sýbektiniń qyzmetin toqtata turýmen nemese Tizilimnen shyǵarýmen baılanysty prosesterdiń oryndalýyna qaraı ózgertiletin habarlama jasaǵan sýbektiniń aǵymdaǵy jaǵdaıynyń sıpattamasy;
14) habarlama jasaǵan sýbekti boıynsha egjeı-tegjeıli aqparat – habarlama jasaǵan sýbekti qyzmetiniń bastalýy týraly habarlama derekterin jáne mártebesint ózgertý tarıhyn qamtıtyn habarlama jasaý tártibiniń sýbektisi týraly tolyq aqparat;
15) ruqsattar jáne habarlamalar salasyndaǵy ýákiletti organ (budan ári – ýákiletti organ) – ruqsattar men habarlamalar salasyndaǵy basshylyqty jáne salaaralyq úılestirýdi júzege asyratyn ortalyq memlekettik organ.
16) elektrondyq sıfrlyq qoltańba (budan ári – ESQ) – elektrondyq sıfrlyq qoltańba quraldarymen jasalǵan jáne elektrondyq qujattyń durystyǵyn, onyń tıesiligin jáne mazmunynyń ózgermeıtindigin rastaıtyn elektrondyq sıfrlyq nyshandar terimi.
4. Qol jetkizý quqyqtaryn belgileýdi jáne Tizilimniń jumys isteýin qamtamasyz etýdi ýákiletti organ júzege asyrady. Tizilimdi ruqsat berý organdary jáne habarlamany qabyldaýdy júzege asyratyn memlekettik organdar júrgizedi.
5. Memlekettik qupııany jáne zańmen qorǵalatyn ózge qupııany qamtıtyn aqparatty, azamattyq jáne qyzmettik qarýdy jáne onyń patrondaryn, azamattyq pırotehnıkalyq zattardy jáne olar qoldanylyp jasalǵan buıymdardy satyp alýǵa ruqsattardy, eńbekshi kóship-kelýshilerge ruqsattardy qospaǵanda, Tizilimde qamtylǵan málimetter memlekettik jáne orys tilinde ruqsattar men habarlamalardyń memlekettik aqparattyq júıesiniń syrtqy portalynda (budan ári –syrtqy portal) ornalastyrylady jáne barlyq múddeli tulǵalardyń tanysýy úshin tólemsiz qoljetimdi bolady.
6. Tizilim mynadaı bólimderge bólinedi:
1) ruqsattar tizilimi;
2) habarlama jasaǵan sýbektiler tizilimi.
3) Tizilimge málimetter engizý Júıe arqyly júzege asyrylady.
2. Ruqsattar tizilimin júrgizý tártibi
8. Ruqsattar tiziliminde mynadaı málimetter qamtylady:
1) ruqsattar sanaty (birinshi sanattaǵy ruqsat (lısenzııa); ekinshi sanattaǵy ruqsat);
2) ruqsat berýdiń synyptary (1-qyzmetke beriletin ruqsattar; 2-obektige beriletin ruqsattar; 3-birjolǵy ruqsattar; 4-resýrstaryshektelgen nemese kvotalar paıdalanylatyn qyzmetke ruqsattar; 5-jeke tulǵalarǵa kásiptik qyzmetke atqarýǵa beriletin ruqsattar; 6-ónimge beriletin ruqsattar);
3) ruqsattyń ataýy;
4) tarıhı derekterdiń belgisi (tarıhı derekter bolǵan jaǵdaıda);
5) lısenzıattyń nemese ekinshi sanattaǵy ruqsat ıesiniń jeke sáıkestendirý nómiri/bıznessáıkestendirý nómiri;
6) lısenzıat nemese ekinshi sanattaǵy ruqsat ıesi-jeke tulǵanyń tegi, aty, ákesiniń aty/zańdy tulǵanyń ataýy;
7) jeke tulǵanyń turǵylyqty jeriniń nemese zańdy tulǵanyń ornalasqan jeriniń mekenjaıy;
8) ruqsat berilgen kún;
9) ruqsattyń mártebesi;
10) ruqsattyń qoldanylý merziminiń bastalý kúni;
11) ruqsat berý organy;
12) qyzmet, áreket túri (qyzmet, áreket túrine beriletin ruqsattar úshin);
13) qyzmettiń kishi túri (kishi qyzmet túri bar qyzmet túrlerine beriletin ruqsattar úshin);
14) lısenzııa túri (basty, erekshe, birjolǵy) – lısenzııalar úshin;
15) erekshe jaǵdaılar (lısenzııalar úshin);
16) ruqsattyń sáıkestendirý nómiri (Elektrondyq nysandaǵy ruqsattarǵaJúıe beretin);
17) ruqsattyń nómiri, serııasy (tek qana qaǵaz nysanynda beriletin tarıhı qujattar jáne ruqsattar úshin);
18) RBSN;
19) qyzmet etý aýmaǵy (belgili bir aýmaqta jaramdy ruqsattar úshin);
20) ruqsattyń qoldanysy aıaqtalý kúni (qoldaný merzimin shekteýmen beriletin ruqsattar úshin);
21) bastapqy ruqsattyń sáıkestendirý nómiri (olardy qaıta resimdeý júzege asyrylǵan ruqsattar úshin);
22) alǵashqylısenzııanyń RBSN;
23) alǵashqy ruqsattyń nómiri, serııasy (olardy qaıta resimdeý nemese konvertasııalaý júzege asyrylǵan tarıhı qujattar jáne tek qana qaǵaz túrinde beriletin ruqsattar úshin);
24) bastapqy qujat berilgen kúni (olardy qaıty resimdeý júzege asyrylǵan ruqsattar úshin);
25) elektrondyq nysandaǵy ruqsattar úshin ruqsat berý organynyń ýákiletti adam ESQ týraly málimetter;
26) ruqsattyń qoldanyý merzimin toqtata turý kezeńi (olardy toqtata turý júzege asyrylǵan ruqsattar úshin);
27) ruqsatty keri qaıtarý (joıý) negizdemesi (sottyń sheshiminiń negizinde nemese Qazaqstan Respýblıkasynyń zańdarynda kózdelgen ózge de jaǵdaılarda ruqsat berý organy keri qaıtarǵan/joıǵan ruqsattar úshin).
9. Osy Qaǵıdalardyń 8-tarmaǵynyń 1) – 12) tarmaqshalarynda kórsetilgen málimetter barlyq ruqsattar úshin mindetti túrde toltyrýǵa jatady. Osy Qaǵıdalardyń 8-tarmaǵynyń 13) – 27) tarmaqshalarynda keltirilgen málimetter olar bolǵan jaǵdaıda toltyrýǵa jatady.
10. Ruqsattar tiziliminiń málimetter quramyna enbegen erekshe joldardy eskere otyryp, ruqsattardyń tolyq málimetter quramyn ruqsat boıynsha egjeı-tegjeıli málimetterde qarap shyǵýǵa múmkindik bolady.
11. Ruqsatty elektrondyq túrde usyný tıisti lısenzııamen nemese ruqsatpen kózdelgen bolǵan jaǵdaıda, ruqsattar tiziliminde ruqsatty elektrondyq túrde usyný nysanyn júkteý múmkindigi bar.
12. Ruqsattar tizilimine tarıhı derekterdi engizýdi ruqsat berý organdar Júıe arqyly júzege asyrady.
13. Tarıhı málimetterdi engizgen kezde osy Qaǵıdalardyń 8-tarmaǵynda kórsetilgen ruqsattar tiziliminiń joldary toltyrylady.
14. Tarıhı málimetterdi engizgen kezde ruqsattar týraly málimetterdi ýákiletti adamnyń ESQ kýálandyrý talap etilmeıdi.
15. Ruqsat berý organdarymen ruqsattar tizilimine tarıhı málimetterdi engizgen kezde ruqsattyń sáıkestendirý nómiri qalyptastyrylmaıdy.
3. Habarlama bergen sýbektilerdiń tizilimin júrgizý tártibi
16. Habarlama bergen sýbektiler tiziliminde mynadaı málimetter qamtylady:
1) oǵan qatysty habarlama jasaý tártibi engizilgen qyzmettiń (árekettiń) ataýy;
2) qyzmettiń, árekettiń bastalǵany týraly habarlamanyń sáıkestendirý nómiri;
3) qyzmettiń, árekettiń bastalǵany týraly habarlama berilgen kúni;
4) sýbektini tizilimge engizý kúni;
5) sýbektiniń jeke sáıkestendirý nómiri/bıznessáıkestendirý nómiri;
6) habarlama jasaǵan sýbektiniń – jeke tulǵanyń tegi, aty, ákesiniń aty/zańdy tulǵanyń ataýy;
7) jeke tulǵanyń turǵylyqty jeriniń nemese zańdy tulǵanyń ornalasqan jeriniń mekenjaıy;
8) qyzmetti júzege asyrýdy bastaý kúni;
9) sýbektiniń mártebesi;
10) habarlamany qabyldaýdy júzege asyratyn memlekettik organ;
11) qyzmetti nemese áreketterdi júzege asyrý mekenjaıy;
12) qyzmetti (áreketti) júzege asyrýdy aıaqtaý kúni;
13) habarlama jasaǵan sýbektiniń telefony;
14) habarlama jasaǵan sýbektiniń elektrondyq pochtasynyń mekenjaıy;
15) qyzmettiń bastalǵany týraly elektrondyq nysandaǵy habarlama úshin sýbektiniń ESQ týraly málimetter;
16) sýbektiniń qyzmetin toqtata turý kezeńi (qyzmetin toqtata turý júzege asyrylǵan sýbektiler úshin);
17) málimetterdi sońǵy ózgertý kúni (olar boıynsha málimetterdi ózgertý týraly habarlama berilgen sýbektiler úshin);
18) Tizilimnen shyǵaryp tastaýdyń negizdemesi (sottyń dara kásipkerdiń nemese zańdy tulǵanyń qyzmetine nemese qyzmetiniń jekelegen túrlerine tyıym salý týraly sheshimi negizinde nemese Qazaqstan Respýblıkasynyń zańdarynda kózdelgen ózge jaǵdaılarda Tizilimnen shyǵarylǵan sýbektiler úshin).
17. Osy Qaǵıdalardyń 16-tarmaǵynyń 1) – 11) tarmaqshalarynda kórsetilgen málimetter habarlama bergen barlyq sýbektiler úshin mindetti túrde toltyrýǵa jatady. Osy Qaǵıdalardyń 16-tarmaǵynyń 12) – 18) tarmaqshalarynda keltirilgen málimetter, eger olar tıisti habarlama sheńberinde qarastyrylǵan bolsa, toltyrýǵa jatady.
18. Olardyń sheńberinde qyzmet obektileri týraly málimetterdi usyný qarastyrylǵan habarlamalar úshin qosymsha kelesi joldar toltyrylady:
1) obektiniń sáıkestendirgishi (kody, ataýy);
2) obekt ornalasqan jerdiń mekenjaıy;
3) obekt boıynsha qyzmettiń bastalý kúni;
4) obekt boıynsha qyzmettiń aıaqtalý kúni;
5) obektiniń mártebesi;
6) obekt boıynsha qyzmetti toqtata turý kezeńi (olar boıynsha sýbektiniń qyzmetin sot toqtata turǵan obektiler úshin);
7) obekti boıynsha málimetterdi ózgertý kúni.
19. Tiziliminiń málimetter quramyna enbegen habarlamanyń erekshe joldaryn eskerýmen, sýbekt boıynsha tolyq málimetter quramyn sýbekt boıynsha egjeı-tegjeıli málimetterde qarap shyǵýǵa bolady.
20. Habarlama jasaǵan sýbektiler tiziliminde qyzmetti (áreketti) bastalǵany týraly, derekterdi ózgertý, qyzmetti (áreketti) toqtatý týraly habarlamalardy elektrondyq túrde usyný nysanyn júkteý múmkindigi kózdelgen.
21. Habarlama bergen sýbektiler tizilimine málimetterdi engizý Júıe arqyly mynadaı ádistermen júzege asyrylady:
1) ótinish ıelerimen syrtqy portal arqyly usynylǵan elektrondyq habarlamalar negizindeavtomatty túrde;
2) ótinish ıelerimen qaǵaz túrinde usynylǵan habarlamalar negizinde habarlandyrý tártibin júzege asyratyn memlekettik organdarmen;
3) Jeke kásipkerdiń nemese zańdy tulǵanyń qyzmetine nemese qyzmetiniń jekelegen túrlerine tyıym salý týraly sot sheshimi negizinde, qyzmetti sot toqtata turǵan jaǵdaıda nemese Qazaqstan Respýblıkasynyń zańdarymen kózdelgen ózge de jaǵdaılarda habarlandyrý tártibin júzege asyratyn memlekettik organdarmen.
22. Habarlama bergen sýbektiler tizilimine tarıhı málimetterdi engizý habarlandyrý tártibin júzege asyratyn organdarmen Júıe arqyly júrgiziledi.
23. Tarıhı málimetterdi engizgen kezde osy Qaǵıdalardyń 16 jáne 18-tarmaqtarda kórsetilgen habarlama bergen sýbektiler tiziliminiń joldary toltyrylady.
24. Habarlama jasaǵan sýbektiler boıynsha tarıhı derekterdi engizgen kezde Tizilim málimetterin habarlamalardy qabyldaýdy júzege asyratyn memlekettik organnyń laýazymdy adamnyń ESQ kýálandyrý talap etilmeıdi.
25. Habarlama jasaý tártibin júzege asyratyn memlekettik organdarmen tarıhı málimetterdi Tizilimge engizý kezinde qyzmetti bastaý týraly habarlamalardyń sáıkestendirý nómiri avtomatty túrde qalyptastyrylady.
Buıryq Qazaqstan Respýblıkasynyń Ádilet mınıstrliginde 2015 jylǵy 9 jeltoqsanda Normatıvtik quqyqtyq kesimderdi memlekettik tirkeýdiń tizilimine №12372 bolyp engizildi.