KО́KShETAÝ. 28 qańtar. «Baryńmen bólis!» aksııasyn Aqmola oblysy isker áıelder assosıasııasy da qoldap áketti. Bul týraly assosıasııa baspasóz qyzmetiniń málimetine súıengen egemen.kz tilshisi habarlaıdy.
Osyǵan arnalǵan alǵashqy shara Ereımentaý qalasyndaǵy balalar shyǵarmashylyq úıinde ótti. Onda assosıasııa shaqyrýyna ún qosqan áıelder jınaldy. Al aksııanyń basty maqsaty áleýmettik jaǵynan az qorǵalǵan jáne kóp balaly otbasylaryn nazarǵa alyp, olarǵa qoldan kelgeninshe kómek kórsetýge arnaldy. Sharanyń taǵy bir múddesi Ereımentaý aýdanyndaǵy ár qıly jastardaǵy, alýan túrli bastama men belsendilikterge ıe isker áıelderdiń basyn biriktirý boldy.
Jıynda osy jóninde aýdandyq ishki saıasat bóliminiń basshysy Kámıla Ahmedııarova aıtyp berdi. Ol óz sózinde oblystyq isker áıelder assosıasııasynyń bul sharany Ereımentaý aýdanynan bastap otyrǵanynda mán bar ekenine de toqtaldy. Al qala ardagerler keńesiniń tóraıymy Galına Artamonova qaıyrymdylyq aksııasyn qoldap, onyń izgi qadamdaryna tabys tiledi. Sharaǵa qatysýshy Hava Sıgaýrı aýdanda talantty jastar men eresekterdiń kóp ekenin, óziniń solardyń baqtary janyp ketýlerine kómektesetinin tilge tıek etti. Zeınetker Valentına Trapeznıkova qaıyrymdylyq qadamdarynyń qaıta oralyp jatqanyna qýanysh bildirdi. О́z kezeginde aýdandyq isker áıelder assosıasııasynyń tóraıymy Raýshan Nurǵazınova muqtaj otbasylaryna kómek qoldaryn sozǵaly otyrǵan barsha jerlesterine alǵys sezimin jetkizdi.
Baqbergen Amalbek.
Derek, foto: Aqmola oblystyq isker áıelder assosıasııasy.