О́ńirdegi nurotandyqtar partııa sezine jaqsy jumystarymen kelip otyr. Olardyń barlyǵy Elbasy, «Nur Otan» partııasynyń Tóraǵasy N.Á.Nazarbaevtyń Joldaýlary men elimizdi ilgeriletýge arnalǵan túrli baǵdarlamalarynyń nátıjesinde múmkin bolyp otyr. Osy oraıda Prezıdent: «Qazaqstan halqyna Joldaýymdaǵy barlyq mindetterdi júzege asyrýda men «Nur Otan» partııasyna erekshe oryn beremin. Joldaý barlyq partııa múshesi úshin is-qımyl negizi jáne taıaýdaǵy jyldarǵa arnalǵan baǵdarlama bolýy tıis. Keń kólemdi túsindirý jumystaryn júrgizip, adamdardy jumyldyrý, qoıylǵan barlyq mindetterdi oryndaýda biriktirý kerek. Partııadan saılanǵan depýtattar daǵdarysqa qarsy jáne qurylymdyq qaıta jańǵyrýlardy zańnamalyq turǵydan qamtamasyz etýleri tıis», degen bolatyn. Budan túıerimiz, Joldaýdy jurtshylyqqa jetkizý, tııanaqty túsindirý, mejelengen maqsattarǵa jumyldyrý syndy jaýapkershiligi mol jumys bizge tapsyryldy. Oblystaǵy partııa músheleri Joldaý júktegen mindetterdi iske asyrýda belsendilik tanytyp, aýqymdy ári keshendi sharalardy nátıjeli atqarýǵa ózderiniń súbeli úlesterin qosatyny kúmánsiz.
Naqtyly is-sharalar aıasynda máslıhattardaǵy fraksııa músheleri tyndyrymdy tirlik atqarýda. Depýtattarymyz óz okrýgterindegi saılaýshylarmen tyǵyz baılanysta jumys jasap, Joldaýdy qarapaıym turǵyndar arasynda keńinen nasıhattaý, uǵyndyrý baǵytyndaǵy nátıjeli sharalardy qolǵa alǵan. Sonymen qatar, atalǵan sharalardy jandandyrýǵa óńirdegi 19 aýmaqtyq partııa fılıaly men 309 bastaýysh partııa uıymyn, 92 myńnan astam partııa múshesin jáne «Jas Otan» jastar qanatyn jumyldyryp, jumysty júıeli júrgize bastadyq.
О́tken jyldyń basty qujatynda elimizdiń ekonomıkalyq, áleýmettik jáne t.b. salalardyń negizgi basymdyqtary tııanaqty saralanýymen qatar, árbir el azamatyn oılandyrǵan máselelerdiń sheshý joldary qamtyldy. Áleýmettiń áleýmettik jaǵdaıyna basymdyq bergen Joldaýǵa qoǵam tarapynan erekshe mán berildi. Prezıdent álemde oryn alyp otyrǵan naqty jahandyq ahýalda ekonomıkalyq ósý, nátıjeli reformalar jasaý men damýdyń dańǵyl jolyn aıryqsha aıqyndap berdi. Memleket basshysy óz sózinde: «Memleket qandaı jaǵdaıda da áleýmettik mindettemelerin shashaý shyǵarmaı oryndap keledi. Jańa jyldan bıýdjet qyzmetkerleriniń jalaqysy, áleýmettik járdemaqylar men shákirtaqy ortasha alǵanda 30 paıyzǵa deıin kóbeıedi. Osynyń barlyǵy halyqtyń bolashaqqa senimmen qarap, alańsyz ómir súrýine tolyq negiz bolady», dep atap ótken edi. Iаǵnı, bul memleketimizdiń daǵdarys kezinde áleýmettik mindettemelerdi tolyǵymen ári der kezinde oryndaı alatyndyǵyn bildiretin jaıt bolyp otyr.
Joldaýda eń jaqsy jospar – ýaqyt talabyna beıimdelgen jospar ekendigi aıryqsha aıtylyp, egemen elimizdiń ósip-órkendeýi men jan-jaqty damýyn qamtamasyz etetin keshendi sharalar uǵynyqty baıandaldy. Sondaı-aq, daǵdarysqa qarsy jáne qurylymdyq jańarýlardyń bes baǵyty, atap aıtqanda, qarjy sektoryn turaqtandyrý, bıýdjet saıasatyn ońtaılandyrý, jekeshelendirý jáne ekonomıkalyq básekelestikti yntalandyrý, jańa ınvestısııalyq saıasattyń negizderi men jańa áleýmettik saıasat kópshilik nazaryna usynyldy.
Alqaly jıynda elimizde jasalatyn buıymdarǵa qoıylatyn basty krıterııler ataldy. Elbasy: «Qýatty el bolý – básekege qabiletti bolý degen sóz. «Qazaqstanda jasalǵan» árbir buıymda tórt qasıet – sapaly, yńǵaıly, ádemi jáne arzan bolýy kerek. Sonda ǵana isimiz ónimdi, zatymyz ótimdi bolady», dedi. Osy pikirden oń nátıje shyǵaramyn deıtin ár kásipker naryqqa taýaryn usynar aldynda óniminiń sapasy men yńǵaılylyǵyna jáne tutynýshylarǵa qoljetimdi baǵada bolýyna basymdyq berýi kerek. Bul turǵyda naryqqa básekege qabiletti daıyn taýar jóneltetin isker azamattar óz ónimderin osy talapqa sáıkestendirý baǵytynda qarqyndy jumys jasaýy tıis.
El Úkimetine osy jylǵy I toqsannyń sońyna deıin eńbekpen qamtýdyń jańa jol kartasyn ázirleý tapsyryldy. Osy maqsatqa qaralǵan qarjy kólemi artyp, aldyńǵy jyldardaǵy jol kartasymen salystyrǵanda, ulǵaıtylatyny erekshe aıtyldy. Bul eki qolǵa bir kúrek tappaı júrgen azamattardyń qaıta daıarlyqtan ótip, turaqty jumysqa turýyn qamtamasyz etýmen qatar, ınfraqurylymdardyń retteletinin jáne óz isin órge súıreımin degen azamattarǵa beriletin nesıeler kóleminiń artatynyn bildiredi.
Elbasy Joldaýynda aıtylǵan aýqymdy tapsyrmalardy oryndaýda bizdiń múmkindigimiz mol. Mejelengen maqsattar men mindetterdi iske asyrýda uqyptylyq pen únemdilikke nazar aýdaryp, el qazynasynan qaralatyn qarajatty óz maqsatynda tıimdi paıdalana bilýimiz kerek.
Joldaý – jaýapkershilik júkteıdi ári jarqyn bolashaǵymyzdyń irgesin búginnen bastap bekemdeýge úndeıdi. Elbasy tapsyrǵan mereıli mindetterdi sapaly atqarý – barsha qazaqstandyqtarǵa ortaq is. Ońtústikqazaqstandyq «Nur Otan» partııasy músheleriniń Joldaý júktegen mindetterdi oryndaýǵa múmkindigi jetkilikti. Barsha qazaqstandyqtar, Tóle bı baba aıtqandaı, bir qoldyń salasyndaı, bir úıdiń balasyndaı birikse, «Máńgilik El» muratyna jetýge kúsh-qýatymyz ábden jetedi.
Berik OSPANOV,
«Nur Otan» partııasy Ońtústik Qazaqstan oblystyq fılıaly tóraǵasynyń birinshi
orynbasary, sezd delegaty.
ShYMKENT.