Kópshilik budan kóp jyldar buryn Shotlandııadaǵy Loh-Ness kólinen tabylyp, áli kúnge deıin óziniń nendeı zat ekeni jóninde bir tujyrymǵa keltirtpeı júrgen qubyjyqty áli umyta qoımaǵan shyǵar. Endi, mine, jumbaqtyǵy men ataǵy jaǵynan soǵan para-par taǵy bir qubyjyqtyń deregi shyǵyp jatyr.
Jańa tirshilik ıesi de osy Brıtanııa araly aýmaǵynan tabyldy. Ol Birikken koroldikke qarasty Ýels jerindegi Barmýt kólin mekendeıdi eken. Qazir onyń deregi shyqqaly beri bul mańaıdy sholyp, qubyjyqty sýretke túsirip alýǵa qushtarlar sany artyp keledi. Osyǵan oraı ǵalymdar bulardyń ekeýin de jerge qatyssyz, bizben parallel álemnen kelgen jándikter degen boljamǵa kóbirek den qoıa bastady. Áıtpese, bulardy ustap alý da, tipti alystan sýret pen vıdeoǵa túsirý de nege múmkin bolmaı tur?
Mamandardyń pikirinshe, qubyjyqtyń uzyndyǵy keminde otyz metr bolady. О́kinishke qaraı, foto tym alystan túsirilgen. Sondyqtan, budan da góri naqty málimetter aıtý qıynǵa soqqan.
Ýels turǵyndary osy úlken kesirtkeni alǵash ret ótken ǵasyrdyń basynda jaǵajaıdan bir áıel baıqaǵanyn aıtady. Dáliregi, ol sý jaǵasynan úlken tórt izdi kórgen. Onyń tańbasyna qaraǵanda, denesi keminde pilge jeteǵabyl bolýy tıis edi. Keıinirek, 1937 jyly bir kisi jaǵada serýendep júrgen qubyjyqtyń ózin kórgen. Onyń kólemi alyp qoltyraýynnyń aýmaǵynan kem bolmaǵan. 1975 jyly atalmysh tirshilik ıesi taǵy da kózge túsip qalypty. Bul joly ony oqýshy qyzdar baıqaıdy.
Mine, endi Barmýt qalasy mańynan atalǵan qubyjyq taǵy kórinipti. Jáne ony sýretke túsirip qalýdyń da oraıy kelgen. Zertteýshiler osydan soń Jerdiń parallel álemmen baılanysy jónindegi gıpotezany taǵy qozǵaı bastady.
Damır QOJAMQUL.