Jańajyldyq tartý – baspana

Shyǵys óńirinde qolǵa alynǵan «Meıirim» aksııasynyń meıirimin sezingender qatary jyl sanap artyp keledi. Shyǵys Qazaqstan oblystyq arnaıy jasóspirimder úıiniń tárbıelenýshisi Azamat О́skenbaev atalǵan aksııa aıasynda О́skemenniń jańa shaǵyn­aýdanynan bir bólmeli páterge qol jetkizdi. Ol О́skemen servıs jáne kásibı daıyndyq kolledjiniń baǵdarlamashy-operator maman­dyǵynda oqıdy. 2011 jyly jetim jáne ata-ana qamqorlyǵynsyz qalǵan balalardy qoldaý jónindegi keshendi baǵdarlamaǵa sáıkes Shyǵys Qa­zaqstan oblysynda «Meıirim» aksııasy bastalǵan bolatyn. Bul aksııanyń maqsaty – ata-anasyz qalǵan balalardyń ómir súrý sapasyn jaqsartý. – «Meıirim» aksııasy aıasynda atqarylǵan jumystardy búgingi baspana toıymen qorytyndylap otyr­myz. 2011 jyly qabyldanǵan baǵ­darlamany júzege asyrý 2015 jyl­ǵa deıin josparlanǵan bolatyn. Alaıda, oblys ákimdiginiń bas­­tamasymen bul baǵdarlama ári qaraı jalǵasyn tabady. Osy jyldar ishin­de jetim qalǵan balalardyń mań­daıy­nan sıpap, jan jylýyn aıama­ǵan patro­nattyq uıymdarǵa sheksiz rıza­shylyǵymdy bildi­re­­min, – deıdi oblystyq bilim basqar­­­­ma­synyń basshysy Aıjan Sa­dyqova. Basqarma basshysynyń aıtýynsha, qazirgi kezde shyǵys óńirinde 3 myńnan astam jetim jáne ata-ananyń qamqorlyǵynsyz qalǵan balalar bar. Olardyń ishinde 1900 bala patronattyq mekemelerge tirkelip, qamqorlyqqa alyndy. Patronattyq tárbıe men qoldaý sheńberinde jekelegen tulǵalar men kásiporyndar balalardyń «Turǵynúıqurylysjınaqbanki» AQ-ta ashylǵan jeke esepshottaryna qarjy quıyp keledi. Nátıjesinde, 2011 jyldan beri 478 bala jeke baspanaǵa ıe boldy. Kámelet jasqa tolǵan saıyn atalǵan sanattaǵy balalardyń bas­panaly bolý kórsetkishi de arta túsedi, deıdi basqarma basshysy. – «Meıirim» aksııasy aıasynda jetim jáne ata-ana qamqor­lyǵynsyz qalǵan balalar men «Turǵynúı­qurylys­jınaq­banki» AQ jáne kásiporyndarmen ara­synda kelisimder bekitildi. Bul aksııa tek baspanamen qamtyp qana qoımaı, oqýǵa da, jumys berýge de kómektesedi, – deıdi «Turǵynúıqurylysjınaqbanki» AQ oblystyq fılıalynyń dırektory Nurlan Kúzembaev. Onyń aıtýynsha, «О́ńirlerdi damytý-2020» baǵdarlamasy boıynsha berilgen páterdiń sharshy metri 77 myń teńge kóleminde baǵalandy. Mundaı tómen baǵa esh jerde kezdespeıdi. 19 jastaǵy Azamat 2009 jyldan bastap banktegi esepshotyna baspana qunynyń 2 paıyzyn jınapty. Jasóspirimder úıi tárbıelenýshisiniń baspanaly bolýyn jyldamdatqan patronattyq uıymdar qatarynda memlekettik mekemelermen birge «Qazsınk» JShS, «Imperator» saýda orta­lyǵy syndy kásiporyndar bar. Dýman ANASh, «Egemen Qazaqstan». О́SKEMEN.