Qazir búkilálemdik daǵdarys. Qarjy qıyndyǵy barlyq jerde bar. Sondyqtan, qolymnan ne keledi dep otyra berseń jaǵdaıdy tarazylaǵandar sóge qoımas. Biraq, iskerlik osyndaı syn saǵattarda kórinedi.
«Shymkent» ÁKK UQ» aksıonerlik qoǵamy «Bozaryq» kottedjdik úıler» ınvestısııalyq jobasyn iske asyrýǵa talpynyp jatyr.
Osy maqsatqa qala irgesindegi «Bozaryq» eldi mekeninen 76 gektar jer telimi bólingen. Áleýmettik-kásipkerlik korporasııa jobany iske asyrý úshin «Almaty grand construction» seriktestigimen ózara memorandýmǵa qol qoıǵan. Sol sııaqty, «Konstrakshn KZ» seriktestigimen sapaly ári arzan baǵada 3D paneldi qurylys materıalyn jetkizip berýge ýaǵda baılasyldy.
О́z aldyna jeke qalashyq bolatyn aýmaqta 500-600 turǵyn úı salynady dep kútilýde. Sondaı-aq, munda mektep, balabaqsha, aýrýhanalardan bólek iri saýda oryndary, kitaphana, sport kesheni sııaqty nysandar el ıgiligine berilmek.
Qudaı qos kórse, Bozaryqta kottedjdik úılerdiń qurylysy bıyl bastalady.
Baqtııar TAIJAN,
«Egemen Qazaqstan».
ShYMKENT.