QOSTANAI. 28 qańtar. Oblysta kóp jyldardan keıin balalardyń kók jótel, keneden ýlanýy, tipti qutyrý aýrýymen aýyrǵandyǵy tirkelgen. Oblystyq tutynýshylar quqyn qorǵaý departamentiniń dırektory Vladımır Nıchetaılo oblystyq densaýlyq saqtaý basqarmasynda 2015 jyldy qorytyndylaǵan alqa májilisinde birneshe mysal keltirgen. Bul týraly egemen.kz tilshisi habarlady.
Jitiqara aýdanynda bala kókjótelmen aýyrǵan, ol buryn bul aýrýǵa qarsy egilmegen eken. Mamandar teksere kelgende juqpaly derttiń oshaǵy sol úıdegi 2005 jyly týǵan bala bolǵan. Ol da ýaqytysynda em almaǵan.
Sonymen qatar oblysta menıngokoktyq juqpaly aýrýǵa úsh búldirshin shaldyqqan. Onyń birinshisinde bir jasar bala qaıtys boldy. Úsh jaǵdaıda da osy juqpaly qaýipti derttiń dıagnozy klınıkalyq tásilde qoıylǵan, laboratorııalyq tekserilmegen. Al Arqalyq qalasynda 4 jasar bala qutyrýdan qaıtys boldy.
Teksere kelgende Arqalyq aýrýhanasynyń profılaktıkalyq jumystardy uıymdastyrýdaǵy kemshilikteri anyqtaldy. Qutyrǵan ıt tistegen balaǵa aýrýǵa qarsy em jasalmaǵan.
Názıra Járimbetova.
Derek, sýret: egemen.kz.