Kenshiler kóńili kórkeıe tústi

Astanada ótken «Nur Otan» partııasynyń XVII sezine qa­ty­sýǵa Aqsý qalasynan oblys­tyń arnaıy delegasııasy­men keldik. Kóńil kóterińki. Elbasy baıandamasyn tyńdap bárimiz de bir serpilip qaldyq. Qandaı kóp mańyzdy jaılardy jetkizdi. Elimiz álemniń 50 ınnovasııalyq damyǵan eliniń qataryna en­di. Búkil qazaqstandyqtar qýa­na­tyn jaıt qoı. Serpilis degen osy. Taǵy bir qýanysh sol, byltyr bizdiń ken­shimiz Ryshat Ámirenov Elbasy qolynan «Qazaqstannyń Eńbek Eri» ataǵyn alǵan bolatyn. Men «Eýrazııalyq energetıkalyq korporasııasy» AQ bastaýysh partııa uıymyn basqaramyn. Bizdiń korporasııada 3205 partııa múshesi bar. Prezıdent «Sońǵy alty jylda bizde ekonomıkanyń 28 jańa salasy paıda boldy, 890 óndiris iske qosyldy. Búgin bizde eshqashan óndirilmegen 400 jańa ónim túrleri óndiriledi» dep atap ótti. Mysaly, bizdiń Eýrazııalyq Toptyń quramyndaǵy «Eýrazııalyq energetıkalyq korporasııa­sy» AQ elimizdegi elektr energııasynyń 17 paıyzyn, kómirdiń 20 paıyzyn óndiredi. Aqsý elektr stansasy, «Vostochnyı» kómir kenishi bar alyp kásiporynda bul kúnderi 6222 adam eńbek etýde. Ortasha jalaqynyń kólemi – 162288 teńge. Osy sezde sóılegen sózinde Elbasy «Qazaqstanda jumyssyzdyq degen bolmaýy kerek. Bul úshin barlyq múmkindikter bar», degeniniń naqty mysalyn bizdiń kásiporyn jaǵdaıynan-aq kórýge bolady. Bizdiń kásiporynnyń jetistikteri jaıly da «Egemen Qazaqstanda» maqalalar jarııa­lanyp turady. Jýyrda ǵana «Eýrazııalyq energetıkalyq korporasııasy» AQ elektr stansasy 266 mıllıon teńgeden astam qarjy jumsap, teplovoz satyp aldy. Jańa tehnologııalar óndiriske kelýde. Stansada 2001 jyldan beri jabdyqtardy jańartý jáne qaıta qurý baǵdarlamasy júzege asyrylýda. Qazirgi ýaqytta «EEK» AQ-ta­ǵy 8 energııalyq bloktyń 5-ýi qaı­ta jańarýdan ótti. Jalpy, par­tııamyzdyń kezekten tys XVII seziniń bizdiń qoǵam úshin mańy­zy joǵary. Partııamyz qolǵa alatyn mindetterge halyq senedi. V shaqyrylymdaǵy Aqsý qala­lyq máslıhatynyń depýta­ty retinde qalanyń áleýmet­tik salasy jáne abattandyrý máse­leleri­men aınalysamyn. Búginde «Eý­razııalyq energetıkalyq korporasııasy» AQ el ekonomıkasynyń damýyna eleý­li úles qosýda. Biz óndiris kólemin ulǵaı­týǵa, memleketimizdiń turaqty damýyna baǵyt­talǵan reformalardy qoldaımyz. Sonymen qatar, ujymymyzǵa áleýmettik belsendilik te jat emes. Sondyqtan, biz, iri kásiporyn retinde, elimizde oryn alyp jatqan ma­ńyzdy oqıǵalardan tys qala almaımyz jáne oblystyq, qalalyq máslıhattar de­pýtattyǵyna alty úmitker usynyp otyrmyz. Tek birlesken kúsh-jigerimizdi biriktirip qana qazaqstandyq dáýlettilikke qol jetkizetindigimizge nyq senimdimin! Májilis depýtattarynyń kezekten tys saılaýyn ótkizý de – qazirgi daǵdarys kezin­degi durys qadam. Ýaqyt talaby osyndaı. Jaýapty. Jańa mindetterdiń orynda­lýy úshin qoǵamǵa serpilis, jańartý, jańǵyrý joly kerek. Sol úshin de jańa Májilis jasaq­ta­latyny sózsiz. Al, partııamyzǵa halyq­tan jańa senim mandatyn alýǵa múmkin­dik týyp tur. Tatıana NOSAChEVA, «Eýrazııalyq energetıkalyq korporasııasy» AQ adam resýrstaryn basqarý jáne áleýmettik máseleler boıynsha vıse-prezıdenti. Pavlodar oblysy, Aqsý qalasy.