Djekı Chan túsirgen fılm kórinisi bolyp shyqty
Keshe aıdyń-kúnniń amanynda Londonnyń tórinde oryn alǵan kúshti jarylys bastapqyda Brıtanııa astanasy turǵyndarynyń úreılerin ushyryp jiberdi. Oqys oqıǵa Temza ózenindegi kópirlerdiń biriniń ústinde jasaldy. Sol jerde reıstegi bir avtobýstyń kúli kókke ushty.
Biraq, «baqsam – baqa eken» degendeı, mundaı «terrorlyq shabýyldy» jasap júrgen shyn lańkester emes, basty rólinde belgili akter Djekı Chan oınaıtyn shym-shytyryq oqıǵaly jańa fılmdi qoıýshylar eken. Kartınanyń jelisi boıynsha eki qabatty qyzyl avtobýs kópirdiń ústine kelgende «jarylyp» ketedi. Atalmysh «terakt» Amerıkanyń tegi qytaılyq belgili akterdiń tapsyrysymen jasalǵan bolyp shyqty. Lenta «Sheteldik» dep atalady. Kıno kórermenderine túsken fılmderindegi trıýkterdiń bárin kaskaderdiń qatysýynsyz ózi jasap shyǵatynymen tanymal bolǵan Djekı Chan munda da arnaıy effekt berýdi óz moınyna alypty.
Jańadan túsirilip jatqan kartına Stıven Lezerdiń 1992 jyly jaryqqa shyqqan «Qytaılyq» degen romanynyń ekranǵa daıyndalýy bolyp tabylady. Bul joly mıster Chan óziniń ádettegi komedııalyq akter degen amplýasyn ózgertedi. Sebebi, túsirilip jatqan fılmniń ózi ekshn-trıller bolmaq. Al kartınanyń tusaýkeseri qashan ótetini ázirge belgisiz. Ony túsirý 2015 jylǵy qazan aıynda bastalypty.
Murat AITQOJA.