О́tken senbide Ortalyq saılaý komıssııasy partııalyq tizim boıynsha «Birlik» partııasy tarapynan Májilis depýtattyǵyna usynylǵan úmitkerlerdiń qujattaryn qabyldady.
«Birlik» partııasynan úmitker retinde 8 adam usynyldy. Olardyń bireýi – áıel. Barlyǵy joǵary bilimdi, 4 úmitker ǵylym kandıdaty, bireýi – professor. Úmitkerlerdiń ortasha jasy – 59. Olar Astana qalasynan, Aqmola, Jambyl, Qyzylorda oblystarynan usynylǵan», – dedi «Birlik» saıası partııasy tóraǵasynyń orynbasary Tólegen Qýanyshev.
Onyń aıtýynsha, olardyń arasyndaǵy 4 úmitker buǵan deıin elimizdiń joǵary zań shyǵarý organyna saılanǵan. Kópshiligi memlekettik nagradalarmen marapattalǵan.
Aıta keteıik, osy jyldyń 5 aqpany kúni «Birlik» saıası partııasynyń kezekten tys II sezi ótken bolatyn. Onda delegattar Parlament Májilisine saılanýǵa partııalyq tizim boıynsha usynylǵan úmitkerlerdi biraýyzdan qoldaǵan edi.
Joldybaı BAZAR,
«Egemen Qazaqstan».