Memleket basshysy Nursultan Nazarbaev Reseı Federasııasynyń Prezıdenti Vladımır Pýtınmen telefon arqyly sóılesti, dep habarlady Qazaqstan Respýblıkasy Prezıdentiniń baspasóz qyzmeti.
Prezıdentter eki el ekonomıkasyndaǵy ahýaldy, Eýrazııalyq ekonomıkalyq odaq (EAEO) aıasyndaǵy jáne ekijaqty pishimdegi yntymaqtastyq máselelerin talqylady.
Sonymen qatar, Reseı men Ýkraına qarym-qatynasynyń qazirgi jaǵdaıy men Mınsk ýaǵdalastyqtaryn oryndaýdy jalǵastyrý jaıyn qarastyrdy.
Taraptar Reseı-Túrkııa qarym-qatynasynyń nasharlaýyna qatysty da pikir almasty. V.Pýtın ahýaldy Túrkııa jaǵy kúrdelendirgenin qaıtalap aıtyp, soǵan oraı jaǵdaıdy túzeýge Túrkııa qadam jasaýǵa tıistigin alǵa tartty.
Nursultan Nazarbaev pen Vladımır Pýtın Qazaqstan men Reseıdiń ekijaqty qarym-qatynasy qazirgideı kúrdeli jaǵdaıda senimge, dástúrli dostyq pen tatý kórshilestikke negizdeletinin aıtty.
Sondaı-aq, eki memlekettiń lıderleri 2016 jyly ShYU, EAEO, О́ńiraralyq yntymaqtastyq forýmy jáne basqa qurylymdar aıasynda ótetin kezdesýler kestesin talqylady.