Úkimet engizgen zań jobalary

Senat bıýrosy 2016 jylǵy 11 aqpanda bolatyn jo­ǵar­ǵy palatanyń kezekti otyrysynyń kún tártibin kelisti, dep habarlady Parlament Senatynyń baspasóz qyzmeti. Senatorlar 2009 jylǵy 9 maý­symdaǵy Eýrazııalyq ekono­mı­kalyq qoǵamdastyqtyń Daǵ­darysqa qarsy qoryn qurý týraly shartqa ózgerister engizý týraly hattamany jáne 2009 jylǵy 9 maýsymdaǵy Eýrazııalyq ekonomıkalyq qoǵamdastyqtyń Daǵdarysqa qarsy qorynyń qarajatyn basqarý týraly kelisimge ózgerister engizý týraly hattamany; Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Vetnam So­sıa­lıstik Respýblıkasy ara­syndaǵy erkin saýda týraly kelisimdi; 1995 jylǵy 20 qań­tar­daǵy Qazaqstan men Reseı úki­metteri arasyndaǵy Reseı Fe­derasııasy Qorǵanys mınıs­trl­iginiń (obektileri men urys alańdary Qazaqstan aýmaǵynda ornalasqan) 929 Memlekettik ushý-synaq ortalyǵyn paıdalaný tártibi týraly kelisimge ózgerister men tolyqtyrýlar engizý týraly hattamany; Qa­zaq­stan men Reseı úkimetteri ara­syn­daǵy 1996 jylǵy 18 qazan­daǵy Qazaqstan men Reseı úkimetteri arasyndaǵy Qazaq­stan aýmaǵyna ornalasqan Reseı­diń 929 Memlekettik ushý-sy­naq ortalyǵynyń obek­ti­leri men jaýyngerlik alań­daryn jaldaý týraly shart­qa ózgerister engizý týraly hat­ta­many; Qazaqstan men Uly­brıtanııa arasyndaǵy qyl­mys­tyq ister boıynsha ózara quqyqtyq kómek týraly shartty ratıfıkasııalaý týraly zań jobalaryn talqylaıtyn bolady. Bıýroda, sondaı-aq, Úkimet engizgen zań jobalary Senattyń turaqty komıtetteri arasynda bólinip berildi.