Keshe Úkimet úıinde Premer-Mınıstrdiń birinshi orynbasary Baqytjan Saǵyntaev Halyqaralyq gýmanıtarlyq kómek máseleleri jónindegi komıssııanyń otyrysyn ótkizdi, dep habarlady Premer-Mınıstrdiń baspasóz qyzmeti.
Komıssııa sý tasqyny men selden zardap shekken Tájikstandaǵy jaǵdaıdy nazarǵa ala otyryp, Qazaqstan Úkimetine osy elge resmı túrde gýmanıtarlyq kómek kórsetýdi usyndy.Tájikstannyń zardap shekken aýdandaryna konservilengen et jáne sút ónimderi, ósimdik maıy men sary maı, un jáne makaron ónimderi jetkiziledi.
Sonymen qatar, komıssııa 2015 jyldyń qarasha aıynda qýatty jer silkinisi bolǵan Qyrǵyzstanǵa gýmanıtarlyq kómek kórsetýdi usyndy. Bul elge tósek-oryn jabdyqtaryn, jylytý peshteri men qysqy shatyrlar jetkizý josparlanyp otyr.