Kezekti partııalyq tizim

Qazaqstan Respýblıkasy Ortalyq saılaý ko­mıs­sııasynyń keshe ótken otyrysynda Qazaqstan Kom­mýnıstik halyq partııasynyń Májilis saılaýyna qaty­satyn partııalyq tizimi tirkeldi. «Sizderdiń nazarlaryńyzǵa Qazaqstan Kommýnıstik halyq partııasynyń partııalyq tizimin tirkeý týraly qaýly jobasy usynylyp otyr. Qaýly bo­ıynsha Qazaqstan Kommýnıstik halyq partııasynyń partııalyq tizimi tirkeledi. Tizim boıynsha tirkelgen QR Parlamenti Májilisiniń depýtattyǵyna kandıdattarǵa kýálik beriledi», – dedi qaýly jobasyn tanystyrǵan OSK hatshysy Baqyt Meldeshov. Komıssııa hatshysynyń aıtýynsha, partııalyq tizimge engi­zilgen azamattardyń elimizdiń «Saılaý týraly» zańnamasyna sáıkestigi Ishki ister mınıstrligi men Bas prokýratýrasy arqyly tekserilgen. Atalǵan vedomstvolar bergen aqparattarǵa qaraǵanda, partııalyq tizimdegi azamattardyń barlyǵynyń da zańǵa sáıkestigi anyqtaldy. Kandıdattardyń jáne olardyń jubaılarynyń tabysy jáne múlki týraly deklarasııa­lary salyq organdarynyń anyq­tamalarymen rastaldy. «Partııalyq tizimdi tirkeý týraly qaýly buqaralyq aqparat quraldarynda jarııalanady. Qazaqstan Kommýnıstik halyq partııasynyń ataýy saılaý bıýlletenine engiziledi», dedi Komıssııa hatshysy. Osy­dan keıin Ortalyq saı­laý ko­mıs­sııasynyń múshe­leri qaýlyny biraýyzdan qabyldady. Atap óteıik, 8 aqpan­daǵy jaǵdaı boıynsha Ort­saı­laý­komǵa alty partııalyq tizim usynyldy. Olardyń ishinde «Nur Otan» partııasynyń, «Aq jol» QDP-nyń, «Aýyl» HDPP-nyń jáne QKHP-nyń partııalyq tizimderi tirkeldi. Álısultan QULANBAI, «Egemen Qazaqstan».