О́tken jyly Otyrar aýdanyna baryp, baqýatty úıdiń seıfinen 25 myń dollar men 4 mln. teńgeniń altynyn urlap ketken saryaǵashtyq eki jas jigit endi alty jylǵa deıin osy qylmystary týraly oılanyp, opyq jeıtin boldy.
Arasan sýymen aty shyqqan aýdannyń 23 jáne 24 jastaǵy eki turǵynynyń urlyq jasaý qanyna sińgen qasıet sııaqty. О́ıtkeni, ekeýi de buryn sotty bolǵan.
Otyrar aýdandyq ishki ister basqarmasynyń tájirıbeli qyzmetkerlerinen jasaqtalǵan top indetip júrip urylardyń deregin tapqan.
Bireýdiń aq-adal aqshasyn ońaı sińirmek bolǵan ekeý aqshanyń bir bóligine avtokólik alyp, birtalaıyn óz qajetterine jaratqan eken.
Urlanǵan aqshanyń biraz bóligi zańdy ıesine qaıtaryldy. Olardyń ústinen Qylmystyq kodekstiń 188-baby boıynsha is qozǵalyp, qylmyskerler alty jylǵa bas bostandyǵynan aıyryldy.
Urlyq dúnıeniń sińýi qıyn. Tepse temir úzetin eki jas muny kesh túsingen syńaıly.
Baqtııar TAIJAN,
«Egemen Qazaqstan».
Ońtústik Qazaqstan oblysy.