júregi shydas bermeı qaıtys boldy
Jaqynda ǵana Jambyl oblysynda apatqa ushyraǵan tikushaqtyń ushqyshy, 62 jastaǵy Valerıı Mıhın qaıtys boldy. Marqum aqtyq demi taýsylǵansha Taraz qalasyndaǵy №2 aýrýhanada jatty.
Apat kezinde órt shyǵyp, ushqysh Valerıı Mıhınniń denesiniń 60 paıyzǵa jýyǵy kúıip qalǵan bolatyn. Jansaqtaý bóliminde 12 táýlik boıy ókpege jasandy aýa berý apparatynyń kómegimen demalyp jatqan pılottyń júregi shydamady. Onyń zaıyby men balasy únemi qasynda otyrypty.
Esterińizde bolsa, 23 qańtar kúni Jambyl oblysyndaǵy T. Rysqulov aýdany ortalyǵynan 100 shaqyrym qashyqtyqta MI-2 tikushaǵy apatqa ushyraǵan edi. Osydan keıin tikushaqtyń qulaý faktisi boıynsha arnaıy komıssııa quryldy. Tikushaq tıesili «Taraz Jańa Álem» kompanııasynyń dırektory Valerıı Mıhınniń beti, basy, aıaq-qoldary I-II-III dárejede kúıip qalǵan. Sonymen qatar, onyń tynys alý joldaryn II dárejedegi kúıik shalǵan.
Oralhan DÁÝIT,
«Egemen Qazaqstan».
Jambyl oblysy.