qaıyrshy nápaqasyn adal aıyryp júr
«Basqa tússe – baspaqshyl» degen, temirtaýlyq úısiz-kúısiz qańǵybas qaladaǵy «Passaj» dep atalatyn sýpermarkettiń aldyndaǵy alańqaıda qudaıdyń qutty kúni «konsert» qoıady. Sóıtip, tıyn-teben taýyp, kúnin kórip júr. Temirtaýlyq «talanttyń» úndi ánderin shyrqaýmen ataǵy shyǵa bastaǵan. Erikken jurtqa keregi de osy – kúnnen-kúnge álgi «ánshiniń» tyńdarmandary da kóbeıip keledi. Tipti, olar qańǵybastyń úndilik hıt ánderdi berile oryndap turǵanyn uıaly telefonnyń kamerasyna túsirip, áleýmettik jelige salyp ta qoıypty.
Qazirgi tańda mundaı ónerpazdy izdeseń, elimizdiń ár qalasynan tabýǵa bolady. Mysaly, О́skemende úıinen aıyrylyp qalǵan qańǵybas sýretshi ónerimen qý tamaǵyn asyraıdy. Ol baıǵus samsa úshin kez kelgen adamǵa qolma-qol sýret salyp beredi eken. Ony qala turǵyndarynyń kóbi tanıtyn kórinedi.
Turlaýy joq tirliktiń baıansyz «juldyzdary» kóbeıip bara ma, qalaı ózi? Alańdatarlyq jaıt...
Qaırat ÁBILDINOV,
«Egemen Qazaqstan».
QARAǴANDY.