Elbasy Nursultan Nazarbaev aqyn, qoǵam qaıratkeri Oljas Súleımenovpen kezdesti, dep habarlady Prezıdenttiń baspasóz qyzmeti.
Kezdesý barysynda Qazaqstannyń qarýsyzdaný jáne ıadrolyq qarýdy taratpaý salasyndaǵy qyzmetiniń negizgi baǵyttary talqylandy.
Sonymen qatar, Memleket basshysynyń Semeı ıadrolyq polıgonyn jabý týraly Jarlyqqa qol qoıýynyń 25 jyldyǵy aıasynda ótetin is-sharalarǵa daıyndyq máseleleri qarastyryldy.
Nursultan Nazarbaev geosaıası ahýaldyń kúrdeliligin eskere otyryp, beıbitshilik pen qaýipsizdik qaǵıdattaryn halyqaralyq aýqymda ári qaraı ilgeriletýdiń mańyzdylyǵyn aıtty.
O.Súleımenov óz kezeginde jahandyq antııadrolyq qozǵalysqa memleketterdiń ǵana emes, qoǵamdyq uıymdardyń kúsh-jigeri men azamattyq bastamalardy jumyldyrý qajettigine nazar aýdardy.
Sýretti túsirgender
S.BONDARENKO, B.OTARBAEV.