ASTANA. 14 aqpan. Qazaqstandyq sportshy Janbota Aldabergenova Máskeý qalasynda ótken frıstaıldan Álem kýbogynda shańǵy akrobatıkasynan synǵa túsip, kúmis júldege qol jetkizdi. Bul týraly egemen.kz tilshisi habarlady.
Otandasymyz fınalda 75,91 upaı jınady. Reseılik Alına Grıdneva 77,43 upaımen altyn medaldi moınyna taqty. Úzdik úshtikti AQSh senim artqan Medıson Olsen túıindedi. Onyń ónerin tóreshiler 75,69 upaımen baǵalady.
Aıta keteıik, Janbotanyń bul jetistigi Qazaqstannyń frıstaıldyń shańǵy akrobatıkasynan Álem kýbogynda alǵan alǵashqy júldesi. Sonymen qatar, 20 jastaǵy frıstalshy qazaq qyzdary arasynda qysqy Olımpıadada eń joǵary nátıje kórsetken bolatyn. Atap aıtqanda, 2014 jyly Sochı Olımpıadasynda ol álem myqtylarymen úzeńgi qaǵystyryp, jalpy esepte 6-orynǵa taban tiredi.
Elaman Qońyr.
Derek: egemen.kz.
Sýret: gazeta.caravan.kz.