ASTANA. 14 aqpan. Grýzııada qys mezgili bastalǵaly beri tumaý aýrýynan 15 adam qaıtys boldy. Bul týraly interfax.ru saıtyna silteme jasaǵan egemen.kz tilshisi habarlady.
«О́kinishke oraı, Grýzııada tumaýdan 15 naýqas qaıtys boldy. Onyń 14-i A/H1N1 vırýsyn juqtyrǵan bolsa, qalǵan bir adamǵa A/H3N2 dıagnozy qoıyldy», – deıdi ulttyq densaýlyq saqtaý ortalyǵynyń bas dırektory Amıran Gamkrelıdze.
Sonymen qatar, Gamkrelızde vırýs juqtyrǵan adamdar sany kúnnen kúnge tómendep bara jatqanyn málimdedi. Onyń aıtýynsha, ótken jyldyń sońyna qaraı 100 myń adamnyń 357-si atalǵan aýrýdy juqtyrǵan bolsa, artynan bul kórsetkish 310 adamǵa azaıdy. Al búgingi kúnde aldyn ala málimetter boıynsha, 304 naýqasqa kemigen.
Bas dırektordyń aıtýynsha, ólimniń basty sebebi, naýqastardyń dárigerler kómegine tym kesh júgingeninen bolyp otyr.
Aıan Ábdýálı.
Derek: interfax.ru.
Sýret: medicfoto.ru.