AQTО́BE. 15 aqpan. Aqtóbe oblystyq balalar klınıkalyq aýrýhanasynda Astanadaǵy Ulttyq ǵylymı kardıohırýrgııa ortalyǵynyń mamandary balalar kardıohırýrgııasy boıynsha sheberlik sabaqtaryn ótkizip, týabitti júrek aqaýy bar alty aılyq Aızere Sultanǵalıǵa ota jasady. Bul týraly egemen.kz tilshisi habarlady.
Ulttyq ǵylymı kardıohırýrgııa ortalyǵy balalar kardıohırýrgııa bóliminiń meńgerýshisi Dmıtrıı Gorbýnovtyń aıtýynsha, sapardyń maqsaty – oblystyq balalar klınıkalyq aýrýhanasynyń jumysymen, jetistikterimen tanysý, tájirıbe almasý, sondaı-aq, sheberlik sabaqtaryn ótkizý barysynda júrekke kúrdeli otalar jasaý. Sondaı-aq, ol qazir balalar arasynda mundaı aýrýdyń túrleri kóbeıip bara jatqanyn, elimizde myń balanyń jeti-segizine júrek aqaýynyń aýyr jáne jeńil túrlerine ota jasalatynyn aıtty.
Aqtóbe oblysynda ǵana jylyna 20 myńǵa jýyq sábı dúnıege kelse, onyń 140-160-sy osy aýrýǵa shaldyǵady eken. Mamannyń sózine qaraǵanda, týabitti júrek aqaýynyń jeńil jáne aýyr túri bolady. О́tken jyldan beri aqtóbelik mamandar aqaýdyń eki túrine de ota jasaı bastapty. Alaıda, kóbine týabitti jáne kúrdeli júrek aqaýy bar naýqastar Astanadaǵy ortalyqqa jiberiletin kórinedi.
Satybaldy Sáýirbaı.
Derek, sýret: egemen.kz.