QYZYLORDA. 15 aqpan. Kókshetaý qalasynda toǵyzqumalaqtan erler men áıelder arasynda jekeleı jáne komandalyq Qazaqstan kýbogy aıaqtaldy. Bul týraly oblystyq sport jáne deneshynyqtyrý basqarmasyna silteme jasaǵan egemen.kz tilshisi habarlady.
Atalmysh synda Qyzylorda oblysynyń joǵary sport sheberligi mektebinde tálim alatyn Aqerke Kenjebekova áıelder arasynda kýbok jeńimpazy atanyp, Qazaqstannyń eresekter qurama komandasynyń sapyna endi. Ol buǵan deıin jastar quramasynda óner kórsetip kelgen bolatyn. Aqerke endi tamyz aıynda Qytaıda ótetin Azııa chempıonatyna joldama alý úshin irikteý oıyndaryna qatysady. Bul jarystar sáýir aıynda Aqtóbede bolady. Aqerke Kenjebekovany jarysqa Hákimjan Eleýsinov daıyndady.
Erjan Baıtiles.
Derek, sýret: Qyzylorda oblystyq sport jáne deneshynyqtyrý basqarmasy.