Birlesip atqarǵan jumys nátıjeli

Bıylǵy jyldyń 13 aq­panynda Saılaýdy baıqaý jónin­degi respýblıkalyq qoǵam­dyq keńes (SBRQK) múshe­leri Jal­py­ulttyq sosıal-demokratııalyq partııanyń (JSDP) saılaýaldy shtabynda bolyp, atalǵan shtabtyń ókilderimen kezdesti. Kezdesý sheńberinde SBRQK tóraǵasy Nurlan Erimbetov pen JSDP ókili Serikbaı Álibaev já­ne Ashat Rahymjanov saılaý úderisteriniń barlyq kezeń­in­de barynsha ashyqtyq pen mól­dirlikti qamtamasyz etý, saı­laýda saılaýshylar men kandı­dattardyń konstıtýsııalyq quqyq­taryn saqtaý máseleleri boıyn­sha pikir almasyp, saılaý naý­qany kezinde SBRQK-nyń baıqaýshylary men JSDP-nyń saı­laýaldy shtabynyń ózara is-qımylyn úılestirý tetikteri týraly ortaq ustanymǵa keldi. SBRQK tóraǵasy Nur­lan Erim­­betov kezdesýge qatysý­shy­lar­ǵa komıssııanyń qyzmeti men min­­det­teri týraly áńgimelep berdi: – Bizdiń komıssııa osy kezge deıin ótken barlyq saılaý naýqandaryna belsendi qatysyp, úlken tájirıbe jınaqtady. Bizdiń mindetimiz – saılaý úderisteriniń barlyq kezeńderine jan-jaqty monıtorıng júrgizý. Oǵan úgit materıaldaryn jınaý men taldaý, saılaýdyń elimizdiń saılaý zańnamasy men halyqaralyq quqyq normalarynyń barlyq talaptaryna sáıkes júrgizilýin baıqaý kiredi. Saılaýdy baıqaý jó­nindegi respýblıkalyq qoǵam­dyq keńestiń qyzmeti, ózge de baı­qaý mıssııalary sekildi, elektoraldy úderiske, halyqtyń saıa­sı-quqyqtyq mádenıetiniń joǵa­rylaýyna oń yqpal etedi. SBRQK-nyń qazirgi quramynda elimizge belgili jáne qurmetti adam­dar: quqyqtanýshy-zańger­ler, táýelsiz BAQ-tar men ÚEU-la­r­dyń, shyǵarmashyl ıntellı­gen­sııanyń ókilderi, qoǵam qaı­rat­kerleri bar, – dedi N.Erimbetov. О́z kezeginde JSDP ókili Se­rik­­baı Álibaev SBRQK ókilderi­ne óziniń rızashylyǵyn bildire kelip, qoǵamdyq baıqaý tetiginiń úl­ken mańyzǵa ıe ekenin atap kórsetti: – Sizder saılaýdy baıqaý bo­ıynsha jaýapty mıssııany júze­ge asyrasyzdar. Saılaýaldy naý­qan barysynda SBRQK sııaqty qoǵamdyq qurylymnyń jumys istegeni óte mańyzdy. Bizdiń partııa SBRQK-men ynty­maqtastyqqa daıyn. Tek birlesip atqarǵan jumystar men syndarly ózara is-qımyl ǵana saılaý naýqanynyń móldirligin, ádil­digi men ashyqtyǵyn qamta­masyz etýge qaýqarly, – dedi S.Álibaev. Sáýlebek BIRJAN.