Kádege asyrý tıimdiligi

О́tken jyly Qazaqstannyń Qarýly Kúshterinde memlekettik qorǵanys tapsyrysy sheńberinde 160 myńnan asa artıllerııalyq oq-dáriler, 260 myńǵa jýyq qol granatalary jáne 10 myńnan asa ınjenerlik oq-dáriler kádege jaratylypty. Oq-dárilerdi paıdaǵa asyrý úderisi kádege jaratýdyń eki ýchas­kesinde – Arys qalasy men Otar stansasynda júrgiziledi. Atalǵan jerlerde arnaıy jabdyqtar, onyń ishinde modýlder bar. «Jabdyqtyń osy túrlerinde oq-dárilerdi bólshekteý, kúkirt­terdi ajyratý, trotıldy qorytý, ıa­kı oq-dárilerdi alýdan bastap tolyq bólshektegenge deıin jáne ári qaraı iske asyrylyp, kádege jaratylatyn ónimder alýǵa deıin júrgiziledi jáne qarjy memleket bıýdjetiniń kirisine túsedi. Saqtalýy boıynsha merzimi ótip ketken oq-dáriler tıisti sanatqa aýystyrylady jáne joǵaryda aı­tylǵan arnaıy pýnktterde káde­ge jaratylady. Olardyń ara­synda ótken ǵasyrdyń 40-shy jyl­darynyń sońyndaǵy, 50-60-shy jyldardaǵy oq-dáriler de bar», – dedi «Qaztehnologııa» AQ kádege jaratý departamentiniń dırektory Erbol Álibekov. Kádege jaratý ári qaraı qara jáne tústi metall retinde iske asy­rylýy múmkin materıaldardy ból­shekteý jáne alý ádisimen júrgi­ziledi. Kúkirt pen trotıl sııaqty jarylǵysh zattardy aıyrý bólek iske asyrylady. Mamandardyń aıtýynsha, statıstıka boıynsha kádege ja­ra­ty­latyn oq-dárilerdiń sany jyl saıyn arta túsýde. Tehnı­ka qaý­ip­sizdigin saqtaý men jetildirýge de asa mán berilýde. «Biz tehnologııany ózgertip, ony jaqsarttyq. Kúkirtterdi ajyratý ádisin biz ábden ózgerttik, ja­zataıym oqıǵalardyń oryn alý yqtımaldylyǵy barynsha azaıtyldy. Ártúrli oqytýdy júr­gizemiz, qosymsha jabdyq, qorǵanys quraldary satyp alynýda, eńbekti kúzetý men óndiristegi qaýipsizdik jóninde mamandardyń qosymsha laýazymdary engizildi. Kádege jaratý boıynsha sharalar barlyq túri baqylanyp otyrady», – dedi E. Álibekov. Kádege jaratý ónimderin iske asyrý nátıjesinde 2015 jyly res­pýb­lıkalyq bıýdjetke 322 mln. teńge aýdarylǵanyn aıta ketken jón. «Egemen-aqparat».