«Aq jol» demokratııalyq partııasynyń ókilderi Almaty qalasynyń jas kásipkerlerimen kezdesip, álemdik ekonomıkalyq turaqsyzdyq jaǵdaıynda kásip ıesi nendeı tetikterge súıený kerektigi jóninde keńes berdi.
Jas kásipkerlermen kezdesýge Parlament Májilisiniń eks-depýtattary Nurlan Jazylbekov pen Svetlana Qadyralıeva, «FORPOST Investısıı ı razvıtıe» JShS-niń dırektory Andreı Lınnık, «KazAvtobýsProm» JShS-niń dırektory Dmıtrıı Vasılev qatysty.
Iskerlik kezdesýinde partııa ókilderi men otandyq naryqta isin ilgeri júrgizip otyrǵan bıznesmender jas kásipkerlerge búgingi jaǵdaıda kásipti saqtap qalý jáne ilgeri damytý joldaryn aıqyndaıtyn saraptamalyq keńester men is júrgizý sheberlikterin ortaǵa saldy.
Barshaǵa ortaq strategııalyq maqsattardy tabysty júzege asyrý úshin «Aq jol» partııasy óziniń saılaýaldy tuǵyrnamasynda qamtylǵan kóptegen ekonomıkalyq zań jobalarynyń qabyldanýyna kúsh salýmen qatar, qoǵamda kásiptik saýattylyqtyń artýyna jańa lep qosatyndyqtaryn jetkizdi. Partııa qoldanystaǵy salyqtyq, ákimshilik jáne ınvestısııalyq zańnamalarǵa birqatar ózgerister engizýdi usyný jáne jeke bıznestiń belsendiligin yntalandyryp, olardyń ekonomıka men áleýmettik salany damytýyna iskerlik múmkindikter týǵyzý joldaryn keńeıtýge basa nazar aýdaratyndyqtaryn aıtty.
Kezdesý barysynda kásibin jańa bastaǵan jastar men iri kásiporyn basshylary ózara pikir almasyp, daǵdarys jaǵdaıynda sheshim qabyldaý men isti josparlaý tetikteriniń qyr-syryn sóz etti.
Qanat ESKENDIR,
«Egemen Qazaqstan».
ALMATY.