Qazaqstan 11-12 aqpanda Mıýnhende ótken Sırııany qoldaýshy halyqaralyq top (SQHT) qatysýshylarynyń kezdesýi qorytyndylaryn tolyǵymen qoldaıdy. Qorshaýdaǵy aımaqtarǵa gýmanıtarlyq dálizdiń ashylýy týraly sheshimdi jáne memlekettiń barlyq aımaǵyndaǵy soǵys áreketterin toqtatý sharttaryn bir apta ishinde anyqtaýdy Sırııadaǵy qaqtyǵysty retteýdegi eleýli ári úmittendiretin úderis jáne osy eldegi gýmanıtarlyq apatty eńserý jolyndaǵy sheshýshi qadam retinde qarastyramyz.
Qol jetkizilgen ýaǵdalastyqtardyń SQHT-nyń barlyq qatysýshylary tarapynan BUU Qaýipsizdik Keńesiniń 2254-qarary rýhynda dáıekti jáne sózsiz júzege asyrylýy Sırııadaǵy qantógistiń eń jýyq arada toqtaýyna jáne elde qalypty jaǵdaıdyń qaıta ornaýyna yqpal etetindigine senimdimiz.