Bıylǵy sáýir aıynda Senatta «Eýrazııalyq ekonomıkalyq odaq jáne Dúnıejúzilik saýda uıymy jaǵdaıynda otandyq agrarlyq sektordyń básekege qabilettiligin arttyrý – zańnamalyq retteý jáne ony tájirıbelik turǵydan iske asyrý» taqyrybynda parlamenttik tyńdaý ótetin boldy. Bul týraly sheshim 15 aqpanda bolǵan Senat bıýrosynda qabyldandy.
Palata Tóraǵasy Qasym-Jomart Toqaev atap ótkendeı, parlamenttik tyńdaýlar qabyldanǵan zańdardyń iske asyrylý barysy týraly jan-jaqty jáne tolyq aqparat alyp, túıindi máselelerdi tereń zerdeleýge múmkindik beredi. «О́tken jyly Ult Jospary sheńberinde aýyl sharýashylyǵyn jandandyrýǵa baǵyttalǵan birqatar zańdar qabyldandy. Sol zańdardyń oryndalý barysy árdaıym depýtattardyń nazarynda bolýy qajet. Sonymen qatar, elimizdiń Eýrazııalyq ekonomıkalyq odaqtaǵy jáne Dúnıejúzilik saýda uıymyndaǵy músheligi jaǵdaıynda agroónerkásiptik keshenniń básekege qabilettiligin qamtamasyz etý ózekti máselelerdiń biri bolyp tabylady», – dedi Q.Toqaev. Parlamenttik tyńdaýdy ótkizýdi uıymdastyrý Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine júkteldi.
Senat bıýrosy joǵarǵy palatanyń 2016 jylǵy 18 aqpanda bolatyn kezekti otyrysynyń kún tártibin de kelisti. Bıýroda, sondaı-aq, Úkimetten kelgen zań jobalary Senattyń turaqty komıtetterine bólindi. Konstıtýsııalyq zańnama, sot júıesi jáne quqyq qorǵaý organdary komıteti Adamdardyń readmıssııasy týraly Qazaqstan men Norvegııanyń úkimetaralyq kelisimin ratıfıkasııalaý týraly zań jobasy boıynsha bas komıtet bolyp belgilendi. Al Qarjy jáne bıýdjet komıtetine Qazaqstan Úkimeti men Halyqaralyq kórmeler bıýrosy arasyndaǵy Astana qalasynda EKSPO-2017 halyqaralyq mamandandyrylǵan kórmesin ótkizýge baılanysty resmı qatysýshylarǵa arnalǵan jeńildikter men preferensııalar týraly kelisimdi ratıfıkasııalaý týraly zań jobasyn júrgizý tapsyryldy, dep habarlady Parlament Senatynyń baspasóz qyzmeti.