TARAZ. 16 aqpan. M.H. Dýlatı atyndaǵy TarMÝ basshylyǵy men Jambyl oblystyq ishki ister departamentiniń jergilikti polısııa qyzmetiniń arasynda ózara áriptestik týraly memorandýmǵa qol qoıyldy. Bul týraly egemen.kz tilshisi habarlady.
Jambyl oblystyq ishki ister departamentiniń jergilikti polısııa qyzmetiniń bastyǵy, polkovnık Baqytjan Beıseev 2016 jyly kúshine zańnamalar negizinde qurylǵan jańa qyzmettiń mindetterine toqtalyp ótti. Al, ýnıversıtet rektory Mahmetǵalı Sarybekov áriptestik týraly memorandým negizinde ýnıversıtet ǵımarattaryndaǵy tynyshtyq jergilikti polısııa qyzmetiniń jiti baqylaýynda bolatyndyǵyna nazar aýdardy.
«Bul memorandýmǵa stýdentter arasyndaǵy quqyq buzýshylyqtyń aldyn-alý maqsatynda qol qoıylyp otyr. Osy qujat negizinde jastar arasyndaǵy qylmysqa birlesip qarsy turýdyń keshendi jospary túziledi. Ol jospar boıynsha arnaıy mamandardyń qatysýymen semınarlar, trenıngter, kezdesýler ótetin bolady. Quqyq buzýshylyqqa tap bolǵan stýdentterge psıhologııalyq kómek kórsetýdi de oıǵa alyp otyrmyz. Quqyqbuzýshylyqqa qarsy kúres jaıyn aıta otyryp stýdentterdiń ózin-ózi qorǵaý máselesinde nazardan shet qaldyrmaǵan jón. Dál osy maqsatta stýdentter «Dınamo» sport kesheniniń bazasynda ózin-ózi qorǵaýdyń ádis-tásilderin meńgermek. Jumystyń nátıjeligin arttyrýda jergilikti polısııa qyzmetine TarMÝ-dyń áskerı kafedrasy bazasyndaǵy «Búrkit» stýdenttik jasaǵy da kómek kórsetýge ázir. Oǵan qosa, ýnıversıtetimizdiń gıdrokeshenindegi qoǵamdyq tártipti saqtaý úshin atalmysh keshen aýmaǵyna ýchastkelik polısııa pýnkti ornatylady», dedi ýnıversıtet rektory.
Oralhan Dáýit.
Derek, sýret: egemen.kz