KО́KShETAÝ. 16 aqpan. Kókshetaýda belgili jazýshy, burynǵy Kókshetaý oblystyq «Kókshetaý pravdasy» gazetiniń bas redaktory, oblystyq partııa komıtetiniń hatshysy Janaıdar Mýsınniń 80 jyldyǵy keńinen atap ótildi. Bul týraly egemen.kz tilshisi habarlady.
Qoǵam qaıratkerin eske alý onyń atyndaǵy qazaq pedagogıkalyq kolledjinde bastalyp, úıiniń qabyrǵasyna ilingen taqta aldynda jalǵasty. Shahmet Qusaıynov atynǵy qazaq drama teatryndaǵy «Kósem sózdiń kemel júırigi» atty ǵylymı-prktıkalyq konferensııany Aqmola oblysy ákiminiń orynbasary Nurlan Nurkenov ashyp, óńir basshysy Sergeı Kýlagınniń quttyqtaýyn jetkizdi.
Konferensııada Qazaqstan Respýblıkasy Parlamenti Senatynyń depýtaty, jazýshy Jabal Erǵalıev «Máńgiliktiń adamy», «Soltústik Qazaqstan» gazetiniń dırektory Káribaı Musyrman «Mýsın mektebiniń túlekteri», jazýshy Tólegen Qajybaı «Ardaq tutar azamat», J.Mýsın atyndaǵy kolledj dırektory, Bilim berý isiniń úzdigi Ahat Nurtas «Tulǵa tuǵyry», Sh.Ýálıhanov atyndaǵy Kókshetaý memlekettik ýnıversıtetiniń dosenti Amanjol Esmaǵulov «Kórikti Kókshe dańqyn kópke jaıǵan...» taqyrybynda sóz sóılese, qalamgerdiń shákirtteri Saılaý Kóshkenov, Qaıyrbaı Tóreǵoja, Baqbergen Amalbek estelikterimen bólisti.
Teatr zalyna lyq tolǵan jurtshylyq Janaıdar Mýsın atyndaǵy pedagogıkalyq kolledjdiń oqytýshysy Mánshúk Turlybekqyzynyń jazýshy shyǵarmalaryna dıskýrstyq tereń zertteý júrgizgenine tánti boldy. Bul búgingideı kitapqumarlardyń azaıǵan kezdegi kórkem shyǵarmalardy oqýdyń jańa nusqasy bolyp tabylady.
Mine, Kókshe jeri óz ulanynyń mereıli jasyn osylaı dúrkiretip ótkizdi. Kókshe dese, onyń asqaq taýlarymen esimi qatar atalatyn Janaıdar Mýsınniń de shyǵarmashylyq jáne qaıratkerlik sıpaty osylaı óz oqyrmanymen únemi birge bolmaq. Biraq, abzal aǵanyń ózi joq, onyń sózi jetti bizge. Ǵafý Qaıyrbekovshe aıtsaq:
«Janaıdar, Janaıdar!» – dep jan daýysym,
Jańǵyrtyp turady uzaq ár taý ishin.
Iаpyr-aý, qaıran sabaz qaıda kettiń,
Men túgil, jel toqtaıdy, tartady ishin», dep turǵandaı.
Baqbergen Amalbek.
Derek, sýret: egemen.kz.