ASTANA. 16 aqpan. «Astana» prezıdenttik kásipqoı sport klýby elorda kóshelerine belgili qazaqstandyq sportshylardyń sýretterimen plakattar iledi. Bul týraly Astana qalasy ákimdiginiń resmı saıty – astana.gov.kz-ke silteme jasaǵan egemen.kz tilshisi habarlady.
Atalǵan áleýmettik jarnamany qalanyń adamdar kóp júretin jerlerinde ornalasqan Astana Bike veloprokatynyń 110 stansasynan kórýge bolady. Sharanyń maqsaty – jankúıerler men sportqa áýes jandardy biriktirý, sondaı-aq, salamatty ómir saltyn nasıhattaý.
Astanalyqtardyń nazaryna qazaqstandyq sportshylardyń, Astana Pro Team velokomandasy, «Barys» hokkeı klýby, «Astana» fýtbol klýby, «Astana» basketbol klýby ókilderiniń, Astana Arlans boksshylarynyń, Astana Motorsports rallı-reıdteri boıynsha komanda músheleriniń sýretteri usynylady.
Elaman Qońyr.
Derek: astana.gov.kz.
Sýret: «Astana» prezıdenttik kásipqoı sport klýbynyń baspasóz qyzmeti.