ASTANA. 16 aqpan. Búgin fýtboldan ÝEFA Chempıondar lıgasynyń pleı-off kezeńi bastalady. Bul týraly egemen.kz tilshisi habarlady.
Osy aptada atalǵan kezeńniń 4 oıyny oınalady. Búgin Portýgalııanyń «Benfıkasy» óz alańynda Reseıdiń «Zenıt» komandasyn qabyldasa, Fransııanyń PSJ-sy Anglııanyń «Chelsıimen» synǵa túsedi. Al erteń Belgııanyń «Gent» komandasy men Germanııanyń «Volfsbýrgi», sondaı-aq, Italııanyń «Romasy» men Ispanııanyń «Realy» (Madrıd) týrnırdiń 1/8 fınalyndaǵy alǵashqy kezdesýlerin ótkizedi.
Búgingi matchtar Astana ýaqytymen saǵat túngi 01:45-te bastalady. PSJ – «Chelsı» oıynyn qazaqstandyq ON-TV (burynǵy «Tań») telearnasy tikeleı efırde kórsetedi.
1/8 fınaldaǵy qalǵan 4 oıyn kelesi aptada oınalady. Atap aıtqanda, 24-25 aqpan kúnderi «Arsenal» (Anglııa) – «Barselona» (Ispanııa), «Iýventýs» (Italııa) – «Bavarııa» (Germanııa), «Dınamo» (Kıev, Ýkraına) – «Manchester Sıtı» (Anglııa) jáne PSV (Nıderlandy) – «Atletıko» (Ispanııa) komandalary kúsh synasady.
Qarymta kezdesýler 8-9 jáne 15-16 naýryz kúnderi ótedi.
Elaman Qońyr.
Derek: egemen.kz.
Sýret: shahta.org.