ATYRAÝ. Atyraý qalasyndaǵy «Nursaıa» shaǵyn aýdanynda boı kótergen turǵyn úılerden 555 otbasyǵa páter berildi. Bul týraly egemen.kz tilshisi habarlady.
«2020 jylǵa deıin óńirlerdi damytý baǵdarlamasy» aıasynda boı kótergen 11 turǵyn úıden 555 páteri kezekte turǵan otbasylarǵa berildi. Bir kúnde jańa baspana alǵandardyń ishinde 1 Uly Otan soǵysynyń ardageri, 17 ata-ana qamqorlyǵynsyz qalǵan jas, 29 áleýmettik turmysy tómen otbasy, 57 memlekettik qyzmetker men bıýdjettik mekemeler ókilderi bar.
Al 450 otbasy turǵyn úı alý úshin salymshy atanyp, kezekke turǵandar eken. Olardyń 218-i tólem qabileti barlar sanatyna jatsa, 232-i arnaıy banktiń salymshysy bolǵan. Osylaısha, Atyraýda bir kúnde 555 páter ıeleri qýanyshqa bólendi.
Joldasbek Shópeǵul.
Derek: egemen.kz.
Sýret: Rahym Qoılybaev.