AQTО́BE. 18 aqpan. Aqtóbede bıyl 17-ret ótkiziletin «Aınalaıyn-2016» jas talanttar konkýrs-festıvaline oblys balalary arasyndaǵy irikteý týry aıaqtaldy. Bul týraly egemen.kz tilshisi habarlady.
Jyl saıyn respýblıkalyq baıqaýdyń órisi keńeıip, qatysýshylardyń qatary kóbeıip keledi. Bıylǵy irikteý týryna qatysýǵa oblystyń shalǵaıdaǵy Shalqar, Baıǵanın, Oıyl, Hromtaý sııaqty aýdandarynan jáne qala mektepterinen úmitin úkilegen 500-ge jýyq bala ótinish bergen eken. Vokal, horeografııa, teatr, aspaptyq, beıneleý, sándik qoldanbaly óner atalymy boıynsha irikteýden súrinbeı ótken 262 bala baıqaýǵa joldama aldy.
«Aınalaıyn-2016» festıvali bıylǵy 26-28 naýryz aralyǵynda Eýrazııalyq toptyń quramyna kiretin «Qazhrom» TUK» AQ fılıaly – Aqtóbe ferroqorytpa zaýytynyń Metallýrgter mádenıet úıinde ótedi. Oǵan «Qazhromnyń» fılıaldary Pavlodar qalasynan Aqsý ferroqorytpa zaýyty, Aqtóbeden Aqtóbe ferroqorytpa zaýyty jáne Qaraǵandydaǵy «Qazmarganes» ken basqarmasynyń balalary da qatysyp, baq synaıdy.
«Aınalaıyn-2016» jas talanttar konkýrs-festıvaliniń irikteý týryna qatysqan jas talanttardyń ónerlerin bilikti mamandar baǵalap, kelesi kezeńge joldama berdi. О́ner dodasynyń sheshýshi synynda naǵyz myqtylar anyqtalatyn bolady», – deıdi Metallýrgter mádenıet úıiniń ádiskeri Aınur Kystaýbaeva.
Satybaldy Sáýirbaı.
Derek, sýret: egemen.kz.