Damý bankiniń tabysy artqan

Ortalyq kommýnıkasııalar qyzmetinde «Qa­zaq­stannyń Damý banki» AQ-tyń basqarma tóraǵasy Bolat Jámishev baspasóz máslıhatyn ótkizdi. Ol banktiń ótken jylǵy jumysy jóninde áńgimelep, qol jetkizgen tabystary týraly aıtty. Bank basqarmasynyń tóraǵasy ótken jylǵy birqatar qarjylyq qıyndyqtarǵa qaramastan, Qazaq­stannyń Damý banki óz mindetin tolyq atqarýmen qatar, birshama jetistikke jetkenderine toqtaldy. «Naqty mysal keltiretin bolsam, byltyrǵy jyly kredıttik portfel mólsheri josparlanǵan 943 mıllıard teńgeden asyp, 1,5 trıllıon teńgege jetti. Teńge baǵamynyń áserin eseptemegende, ósimniń naqty kórsetkishi burnaǵy jylmen salystyrǵanda 20 paıyzdy qurady», dedi B.Jámishev. Tóraǵanyń sózine zer sala qa­rasaq, banktiń aktıvindegi kre­dıttik portfeli 62 paıyzdan 68 paıyz­ǵa artypty. «Mundaı jaqsy nátı­jege negizinen byltyrǵy jyly 42 jobany jalpy somasy 280 mlrd. teńgege qarjylandyrý týra­ly sheshimniń arqasynda qol jet­­kizdik. Burnaǵy jyly 226 mlrd. teń­geni quraıtyn 14 joba ǵana qar­jylan­dy­rylǵan bolatyn. Bu­dan bólek, byltyr bank 50 mıl­lıon dollardy quraıtyn kepil­demelerdi de shyǵardy», dedi ol. О́tken jyly Qazaqstannyń Damý bankiniń shoǵyrlanǵan taza tabysy da artyp, 7,9 mlrd. teńgeni qurapty. «Jyl qorytyndysy aıasyndaǵy qarjylyq nátı­jelerge kelsek, tutastaı alǵanda oń baǵa­laýǵa bolady. Mysaly, taza shoǵyrlanǵan tabys 7,9 mlrd. teń­ge­ge jetti. Bul aldyn ala belgili má­limetter, naqty qorytyndy aýdıt nátıjesinde belgili bolady. Taza tabys jalpy somasy 47,7 mlrd. teńgeni quraıtyn bes jobanyń talaptaryn qurylymdaý nátıjesinde qamtamasyz etildi», dedi bank jetekshisi. Spıkerdiń bul sózinen ańǵar­ǵanymyz, atalǵan bes joba valıý­talyq túsimderden turady. Son­dyqtan, valıýtalyq baǵam ózgeris­terine oraı jobalarǵa qatysty talaptar sheteldik valıýtadan ulttyq valıýtaǵa almastyrylǵan. Tutastaı alǵanda, mundaı qadam qar­jylyq nátıjelerde oń jetis­tikterdi qamtyǵan sııaqty. Baspasóz máslıhaty barysynda banktiń basqarma tóraǵasy aǵymdaǵy jyly avtonesıe baǵ­darlamasyna 26 mlrd. teńge jumsaý kózdelip otyrǵanyn da aıtty. Onyń sózine qaraǵanda, byltyrǵy jyly avtonesıe baǵytynda 15 mlrd. teńge bólingen eken. Buǵan qosymsha 4 mlrd. teńge «BRK lızıng» arqyly qarastyrylypty. «Lızıng boıynsha 4 mlrd. teńge tolyǵymen ıgerildi. Al 15 mlrd. teńgeniń tek 87 paıyzy ǵana oryndaldy. Buǵan sebep, jyl sońyna taman devalvasııa qarqyny údep, sonyń saldarynan suranys ta kúrt túsip ketti», dedi B.Jámishev. Onyń kelesi keltirgen máli­metine qaraǵanda, bıylǵy jyl­dyń basynda avtonesıe boıynsha qosymsha 11 mlrd. teńge bólinipti. Munymen birge, QDB avtonesıe salasynda aldaǵy jumystardy aı­qyndaý boıynsha Úkimetpen bir­lese belsendi jumysqa kirisipti. «8 qańtardan bastap osy baǵytqa qosym­sha 11 mlrd. teńgeni baǵyt­tadyq. Osy­laısha, tutastaı alǵan­da avtonesıe baǵ­darlamasyna 26 mlrd. teńge qaras­tyrylyp otyr. Qazirgi ýaqytta bankter­men, avto­óndi­rýshilermen birlesip, qarajatty tıim­di ári nátıjeli paıdalaný máse­lesin qarastyryp jatyrmyz. Tutas­taı alǵanda, eli­mizde avtonesıe baǵdar­lamasyna qyzyǵýshylyq úlken. Máse­len, bıyl­ǵy qarastyrylǵan qarajat­tyń 12,7 paıyzyna klıentterden tap­sy­rys túsip otyr», dedi basqarma tóraǵasy. Jeńildetilgen avtonesıe be­rý baǵ­darlamasy aıasynda QDB jeke tul­ǵa­­lardyń 5161 ótinishin qa­naǵat­tandy­rypty. Osy jyldyń 11 aqpa­nyn­daǵy málimet boıyn­sha, Qazaq­standa óndi­rilgen avto­kó­likterdi satyp alýǵa 16 mlrd. 904 mln. teńge jumsalypty. Osyny aıtqan bank basshysy, alty bank-agent 14,5 mlrd. teńgege naqty 4523 avtonesıe bergenin tilge tıek etti. «Osy rette 15 mlrd. teń­geni quraıtyn Ulttyq qordan bólin­gen qarajattyń birinshi tran­shy 87 paıyzǵa ıgerilip, ha­lyq 13 mlrd. teńgege avtonesıe al­ǵan. Bıyl bó­lingen 11 mlrd. teń­ge kólemindegi ekin­shi transh 12,7 paı­yzǵa ıgerilip,1,4 mlrd. teńge avtonesıe berildi», dedi B.Jámishev. Nurbaı ELMURATOV, «Egemen Qazaqstan».