ALMATY. 18 aqpan. AQSh prezıdenti Barak Obamanyń aldaǵy aptalardyń birinde Latyn Amerıkasy elderine saparynyń barysynda Kýbaǵa da aıaldamaq oıy bar. Eger bul mıssııa oryndalar bolsa, Qurama Shtattarynyń prezıdenti Bostandyq aralyna 80 jyldan soń birinshi ret aıaq basqaly tur. Bul týraly bbc.com saıtyna silteme jasaǵan egemen.kz tilshisi habarlady.
Sapar naýryz aıynyń 21-22 kúnderi Argentınaǵa barardyń aldyna qoıylǵan. Kýbaǵa joly túsken jalǵyz prezıdent Kalvın Kýlıdj Qurama Shtattardyń atynan aralǵa 1928 jyly barǵan eken. Sol kezde Kýlıdj Kýba prezıdenti Herardo Machadomen júzdesken. 2002 jyly Bostandyq aralyna Djımmı Karterdiń joly tústi. Biraq ol kezde Karter AQSh prezıdenti qyzmetinde emes edi.
Barak Obama 2014 jyly AQSh Kongresine Kýbamen baıyrǵy elaralyq qatynasty qaıta ornatý týraly usynys jasaǵan.
AQSh prezıdentiniń saılaý naýqany tusyndaǵy Barak Obamanyń bul saparyn respýblıkalyqtar birden jaqtyrmaı qalǵan. Olar Amerıka Qurama Shtattarynyń prezıdenti ol elge qazirgi Kýbadaǵy Kastronyń áýleti bılikten ketkende ǵana barý kerektigin alǵa tartýda.
Talǵat Súıinbaı.
Derek: bbc.com
Sýret: ria.ru.