2016 jylǵy 3 aqpan, Astana, Úkimet Úıi
«Tirkelgen tarıfterdi aıqyndaý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 27 naýryzdaǵy № 271 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Tirkelgen tarıfterdi aıqyndaý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 27 naýryzdaǵy № 271 qaýlysyna (Qazaqstan Respýblıkasynyń PÚAJ-y, 2014 j., № 24, 180-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Tirkelgen tarıfterdi aıqyndaý qaǵıdalarynda:
2-tarmaqta:
4) tarmaqsha mynadaı redaksııada jazylsyn:
«4) jańartylatyn energııa kózderin qoldaý jónindegi qarjy-esep aıyrysý ortalyǵy (budan ári - qarjy-esep aıyrysý ortalyǵy) - júıelik operator quratyn jáne ýákiletti organ aıqyndaıtyn, jańartylatyn energııa kózderin paıdalaný obektileri óndirgen jáne Qazaqstan Respýblıkasynyń biryńǵaı elektr energetıkasy júıesiniń elektr jelilerine berilgen elektr energııasyn Zańda kózdelgen tártippen ortalyqtandyrylǵan satyp alýdy jáne satýdy júzege asyratyn zańdy tulǵa;»;
6) tarmaqsha mynadaı redaksııada jazylsyn:
«6) bıogaz - ashýy nemese gazdanýy nátıjesinde bıomassadan alynatyn metan, kómirtegi monooksıdi jáne (nemese) sýtegi;»;
11-tarmaqtyń birinshi abzasy mynadaı redaksııada jazylsyn:
«11. Tirkelgen tarıfter, kún sáýlesiniń energııasyn túrlendirý úshin qazaqstandyq kremnıı (Kaz RV) negizinde fotoelektrlik modýlderdi paıdalanatyn, jıyntyq qýaty 37 MVt kún elektr stansııalarynyń jobasy úshin tirkelgen tarıfterdi qospaǵanda, ınflıasııany eskere otyryp, jylyna bir ret 1 qazanǵa mynadaı formýla boıynsha ındeksteledi:»;
mynadaı mazmundaǵy 11-1-tarmaqpen tolyqtyrylsyn:
«11-1. Kún sáýlesiniń energııasyn túrlendirý úshin qazaqstandyq kremnıı (Kaz RV) negizinde fotoelektrlik modýlderdi paıdalanatyn, jıyntyq qýaty 37 MVt elektr stansııalarynyń jobasy úshin tirkelgen tarıfter ınflıasııany eskere otyryp, jylyna bir ret 1 qazanǵa mynadaı formýla boıynsha ındeksteledi:
mundaǵy:
Tt+1 - joǵaryda kórsetilgen formýla boıynsha eseptelgen, tómendeý jaǵyna qaraı tolyq tıynǵa deıin dóńgelektelip ındekstelgen tirkelgen tarıf;
Tt - eger buryn ındeksteý júrgizilgen bolsa, solardy eskere otyryp, Qazaqstan Respýblıkasynyń Úkimeti bekitken qoldanystaǵy tirkelgen tarıf;
TBI - memlekettik statıstıka salasyndaǵy ýákiletti organnyń derekteri boıynsha aıqyndalatyn, ındeksteý júrgizilgen jyldyń 1 qazanynyń aldyndaǵy on eki aıǵa jınaqtalǵan tutyný baǵasynyń ındeksi.»;
mynadaı mazmundaǵy 13-1-tarmaqpen tolyqtyrylsyn:
«13-1. Tirkelgen tarıfke ındeksteýdi alǵash ret qoldaný osy Qaǵıdalardyń 14-tarmaǵyna sáıkes qarjy-esep aıyrysý ortalyǵyna jańartylatyn energııa kózderinen alynatyn elektr energııasyn berý bastalǵannan keıin kúntizbelik bir jyldan keshiktirmeı júrgiziledi.»;
14-tarmaq mynadaı redaksııada jazylsyn:
«14. Qarjy-esep aıyrysý ortalyǵy ındekstelgen tirkelgen tarıfterdi jylyna eki ret: elektr energııasyn qarjy-esep aıyrysý ortalyǵyna qańtar-maýsym aralyǵyndaǵy kezeńde bere bastaǵan jańartylatyn energııa kózderi obektileri úshin - 1 shildeden bastap jáne elektr energııasyn qarjy-esep aıyrysý ortalyǵyna shilde-jeltoqsan aralyǵyndaǵy kezeńde bere bastaǵan jańartylatyn energııa kózderi obektileri úshin - 1 qańtardan bastap qoldanylýǵa tıis.»;
15-tarmaq alyp tastalsyn.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri Q.MÁSIMOV.