2016 jylǵy 4 aqpan, Astana, Úkimet Úıi
«Sheteldikterdiń jáne azamattyǵy joq adamdardyń shekaralyq aımaqqa kirýine ruqsattama berý qaǵıdalaryn jáne Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardy bekitý týraly» Qazaqstan Respýblıkasy Úkimetiniń 2013 jylǵy 23 shildedegi № 734 qaýlysyna ózgeris pen tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Sheteldikterdiń jáne azamattyǵy joq adamdardyń shekaralyq aımaqqa kirýine ruqsattama berý qaǵıdalaryn jáne Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardy bekitý týraly» Qazaqstan Respýblıkasy Úkimetiniń 2013 jylǵy 23 shildedegi № 734 qaýlysyna (Qazaqstan Respýblıkasynyń PÚAJ-y, 2013 j., № 48, 622-qujat) mynadaı ózgeris pen tolyqtyrý engizilsin:
kórsetilgen qaýlymen bekitilgen Sheteldikterdiń jáne azamattyǵy joq adamdardyń shekaralyq aımaqqa kirýine ruqsattama berý qaǵıdalarynda:
5-tarmaqtyń 4) tarmaqshasy mynadaı redaksııada jazylsyn:
«4) jumys maqsatynda keletinderge - qoldanystaǵy zańnamaǵa sáıkes alynǵan sheteldik jumys kúshin tartýǵa ruqsat bolǵan kezde jumys berýshiniń qoldaýhaty negizinde, al Eýrazııalyq ekonomıkalyq odaqqa múshe memleketterdiń (budan ári - múshe memleketter) azamattary men olardyń otbasy músheleri úshin múshe memlekettiń eńbekshisi jumys berýshimen nemese jumystarǵa (kórsetiletin qyzmetterge) tapsyrys berýshimen jasaǵan eńbek nemese azamattyq-quqyqtyq shart negizinde;»;
6-tarmaq mynadaı mazmundaǵy besinshi bólikpen tolyqtyrylsyn:
«Eńbek qyzmetin júzege asyrý maqsatynda kirgen kezde ruqsattama ruqsattyń qoldanylý merzimine, al múshe memleketterdiń azamattary men olardyń otbasy músheleri úshin múshe memlekettiń eńbekshisi jumys berýshimen nemese jumystarǵa (kórsetiletin qyzmetterge) tapsyrys berýshimen jasaǵan eńbek nemese azamattyq-quqyqtyq sharttyń qoldanylý merzimine beriledi.».
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.