ASTANA. 23 aqpan. AQSh pen Reseı Sırııa jerindegi qaqtyǵysty 27 aqpannan bastap toqtatý týraly ózara kelisimge qol qoıdy. Bul týraly ria.ru saıtyna silteme jasaǵan egemen.kz tilshisi habarlady.
Jabyq esik jaǵdaıynda ótkizilgen kelissózderden keıin eki el ókilderiniń birlesip jasaǵan málimdemesinde 27 aqpannan bastap Sırııa jerindegi barlyq áskerı qımyldar toqtatylatyny belgili boldy. Al ekstremıstik toptar 26 aqpan kúni Damask ýaqyty boıynsha, saǵat 12:00-ge deıin lańkestik áreketterin doǵaryp, bul shartqa kelisetinderin Reseı nemese AQSh áskerılerine bildirýleri qajet.
«Biz bul isti qýana-qýana quptaımyz. Sondaı-aq, aldaǵy juma kúni qaqtyǵystar toqtaıdy dep úmittenemin. Al bir aptadan keıin bul is júzege asqan soń, sırııaaralyq kelissózder bastalýy tıis», – dedi Ulybrıtanıanyń Birikken Ulttar Uıymyndaǵy turaqty ókili Mettıý Raıkroft.
Atalǵan Uıymnyń habarlaýynsha, Sırııa jerinde 2011 jyldyń naýryz aıynda bastalǵan qaqtyǵystan búginge deıin 220 myńnan astam adam qaza tapqan.
Aıan Ábdýálı.
Derek: ria.ru.
Sýret: mirprognozov.ru.