Elmen birge ótken elý jyl

Tahaýı Ahtanov atyndaǵy ob­lystyq drama teatrynda «Qazaq­stan-Aqtóbe» oblystyq telearna­sy óziniń jarty ǵasyrlyq me­reı­toıyn atap ótti. Buǵan deıin alty aýdanda kórermendermen «Altyn mıkrofon» atty kezdesýler ót­kizip, jurtshylyq pen eki aradaǵy baılanysty nyǵaıta túsken ob­lystyq telearnanyń elý jyldyq ótken joly saltanatty keshke jı­nalǵandarǵa beınefılm arqyly tanystyryldy. «Elý jyl sizdermen birgemiz» atty merekelik sal­ta­natta «Qazaqstan-Aqtóbe» tele­arna­synyń dırektory Raýken Ot­yn­shın shyǵarmashylyq ujymnyń ótken joly, búgingi tynys-tir­shiligi jaıly áńgimeledi. Qazir telearna oblystyń 132 eldi mekenine habar taratady. Ob­lys ákimi Eleýsin Saǵyndyqovtyń qol­da­ýy nátıjesinde aqtóbelikter ob­lys­tyq telearna habarlaryn bu­rynǵydaı táýligine bir saǵat emes, 14 saǵat kóre alady. Sondaı-aq, te­learnanyń stýdııadan tys jerlerden tikeleı habar beretin múm­kin­digi bar. Saltanatty sátte tele­ar­nanyń bastaýynda turǵan arda­ger­lerdiń esimderi qurmetpen ataldy. Oblys ákiminiń orynbasary Ro­za Kemalova bir top qyzmetkerge oblys ákimi Eleýsin Saǵyn­dy­qov­tyń atynan Alǵys hat pen aqsha­laı syılyq, bir páterdiń sertı­fı­katyn tapsyrdy. Qala ákimi Arhımed Muhambetov birqatar qyzmet­kerlerge syı-sııapat jasady. «SNPS-Aqtóbemunaıgaz» aksıoner­lik qo­ǵamy bas dırektorynyń oryn­ba­sa­ry Taqtalıfým Esenǵulov shyǵar­ma­shylyq ujymǵa alda da tyń ta­bystar tiledi. «Qazaqstan» tele­kom­panııasy tóraǵasynyń oryn­ba­sary Qaınar Oljaı oblystyq te­learnanyń ózge óńirlerdegi fılıaldardan ozyq turǵanyna toqtala kelip, ujymdaǵy sońǵy jyldar­daǵy sony izdenisterdi atap ótti.Aty­raýlyq jýrnalıst Aıtqalı Nur­ǵalıev munaıly óńirde telearna ashylǵanda aqtóbelik árip­tes­teri kóp kómek bergenin jurt­shylyq jadynda jańǵyrtty. Saltanatty sát ásem ánmen ád­­ip­telip, kúmbirlegen kúımen, kór­kem bımen kómkerildi. Satybaldy SÁÝIRBAI. Aqtóbe oblysy.