Urlanǵan bala

úsh kúnde otbasyna aman-esen qaıta oraldy Búkil el alańdaǵan oqıǵanyń sońy jaqsylyqpen aıaqtalyp, Muhammed aman-esen tabyldy. Arys qalasynan tabylǵan bala búginde óz úıine jetkizildi. Ata-ana­sy, baýyrlarynyń qýany­shynda shek joq. «О́zimdegi qýanysh sezimdi jetkizýge eshqandaı sóz tappaımyn, – deıdi ulyn qushaǵynan aıyrmaı júrgen anasy Janna Aǵabekova. – Muhammed joǵa­lyp ketkende, barlyq qazaq­standyqtardan qoldaý kórdik. Aǵaıyn-týys, erikti azamattar polıseılermen birigip, izdeýge shyqty. Bárine, bárine myń alǵys aıtamyz. Balam osy ýaqytta urlaǵan áıel jáne onyń erimen birge turypty. Eshqandaı zábir kórmegen. Biraq azdap qorqyp qalǵandyǵy baıqalady. Balany mektepten shyqqan betinde aldaýsyratyp alyp ket­­­ken áıeldiń jańa derekteri shy­ǵyp jatyr. – Keshe Arys qalasynyń tur­ǵyny qońyraý shalyp, fotorobotta kórsetilgen áıeldiń turǵyn jaıyn habarlady, – dedi osy oqıǵaǵa oraı uıymdastyrylǵan brıfıngte krımınaldy polı­sııanyń basqarma basshysy Kenjebek Ońdasynov. – Nusqaý boıynsha, bala men ony urlaǵan azamatshany tez taptyq. Balany qalaı alańsyz ertip ketkeni belgisiz, óıtkeni, urlaǵanǵa deıin atyn bilmegen. 1956 jyly týǵan kúdikti áıel buryn sottalmaǵan eken. Biraq tergeý kezinde onyń taǵy bir bala urlyǵyna qatysy bo­l­ǵany anyqtalǵan. Ol 2013 jyly Shymkent qalasy Abaı aýda­nyn­daǵy mektepten alty jasar qyzdy aldap áketip, ustalyp qalaryn bilgen soń on kúnnen keıin qaıta ákelip tastaǵan. О́miráli Nuraı esimdi búldirshin kóshe kezip júr­gen jerinen tabylǵan. Tergeý kezinde kúdikti áıel­diń otbasy, balalary, tipti, neme­releri bary anyqtalǵan. Ol óziniń urlyǵyn balalardy jaqsy kóretindigimen túsindirgisi keledi. Qazirgi tańda oblystyq ishki ister departamenti oǵan aqyl-esiniń durystyǵy jó­ninen saraptama taǵaıyndady. Bu­ryn psıhıkalyq aýytqý esebinde joq áıel kúıeýi­men jeke úıde tu­ra­dy eken. Erjetken ul-qyzy Shym­kentte úıli-jaıly. Qazir ol kinásin tolyq moıyndap otyr. Eki ret bala urly­ǵyna qatysty áıeldiń ústinen Qylmystyq kodekstiń «Adam urlaý» 125-baby, 2-bólimi boıynsha qylmystyq is qozǵaldy. Eger qylmysy tolyq dáleldense, ol keminde 7-12 jylǵa deıin bas bostandyǵynan aıyrylýy múmkin. Baqtııar TAIJAN, «Egemen Qazaqstan». Ońtústik Qazaqstan oblysy.