Qazaqstan Respýblıkasy Úkimetiniń qaýlysy № 1244

2010 jylǵy  Astana, Úkimet úıi Teńizdegi ǵylymı-zertteýlerdi júrgizý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-baby 49) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Teńizdegi ǵylymı-zertteýlerdi júrgizý qaǵıdasy bekitilsin. 2. «Qazaqstan Respýblıkasynyń teńizdegi jáne ishki sý aıdyndaryndaǵy munaı operasııalarymen baılanysty teńiz ǵylymı-zertteýlerin júrgizý tártibi týraly erejeni bekitý týraly» Qazaqstan Respýblıkasy Úkimetiniń 1996 jylǵy 5 maýsymdaǵy № 693 qaýlysynyń (Qazaqstan Respýblıkasynyń PÚAJ-y, 1996 j., № 26, 219-qujat) kúshi joıyldy dep tanylsyn. 3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.Másimov. _________________________________________________________ Qazaqstan Respýblıkasy Úkimetiniń 2010 jylǵy 24 qarashadaǵy № 1244 qaýlysymen bekitilgen Teńizdegi ǵylymı-zertteýlerdi júrgizý qaǵıdasy 1. Jalpy erejeler 1. Osy Teńizdegi ǵylymı zertteýlerdi júrgizý qaǵıdasy (budan ári – Qaǵıda) «Jer qoınaýy jáne jer qoınaýyn paıdalaný týraly» Qa­zaqstan Respýblıkasynyń 2010 jylǵy 24 maý­sym­daǵy Zańynyń 16-baby 49) tarmaqshasyna sáıkes ázirlendi jáne Kaspıı jáne Aral te­ńiz­deriniń qazaqstandyq bóliginde teńizdegi ǵylymı zertteýlerdi júrgizý tártibin anyqtaıdy. 2. Teńizdegi ǵylymı-zertteýler jer qoınaýyn paıdalaný jónindegi operasııalardyń teńizge áse­rin jáne olardyń qorshaǵan ortaǵa saldary men bıologııalyq ártúrliligin zerdeleý maq­satynda júrgiziledi. 3. Teńizdegi ǵylymı zertteýlerdi qazaq­stan­dyq ta, sheteldik te jeke jáne zańdy tulǵalar, she­teldik memlekettik jáne quzyretti ha­lyq­aralyq uıymdar júzege asyra alady. 4. Qazaqstan Respýblıkasy Munaı jáne gaz mınıstrligi teńizdegi ǵylymı-zertteýler sala­syndaǵy quzyretti organ (budan ári – quzyretti organ) bolyp tabylady. 5. Teńizdegi ǵylymı-zertteýler osy Qaǵı­da­nyń qosymshasyna sáıkes nysan boıynsha quzy­retti organ bergen ruqsatty alǵannan keıin júrgiziledi, onda teńiz ǵylymı zertteýler aýma­ǵynyń koordınattary, teńizdegi ǵylymı zertteýlerdi júrgizý merzimderi men ózge de qajetti málimetter kózdeledi. 6. Teńizde jer qoınaýyn paıdalaný jónindegi operasııalardy júrgizý kezinde mynadaı teńiz­degi ǵylymı zertteýler júzege asyrylýy múmkin: 1) ekologııalyq zertteýler (munaıdyń tó­gi­lýin zertteý, qorshaǵan ortany lastaýshylarmen kúres jónindegi ádister men tehnologııalardy ázirleýge baılanysty zertteýler, avarııalyq jaǵ­daılardy zertteý jáne basqalar); 2) sýly ortanyń jáne muzdy jaǵdaıdyń gı­drodınamıkasyn zerdeleý; 3) Kaspıı teńizi deńgeıiniń terbelisterin jáne onyń teńizdegi munaı-gaz kásipshiligi gı­drotehnıkalyq qurylystaryna jáne jaǵa­daǵy munaı-gaz ınfraqurylymyna tıgizetin áserin zerdeleý jáne boljamdaý; 4) munaı operasııalaryn júrgizýdiń sý asty ádisterine baılanysty zertteýler, sondaı-aq ǵylymı-zertteýler maqsatynda burǵylaý; 5) teńiz aıasynda túrli qurylys materıal­da­ry­nyń jaı-kúıin zerdeleýge baılanysty zertteýler; 6) sý asty kabilderi men qubyrlaryn tóseý jobasyna baılanysty zertteýler; 7) Kaspıı teńiziniń qazaqstandyq sektorynda jasandy araldar, qurylystar men qondyrǵylar jasaý jobalaryna baılanysty zertteýler; 8) gıdrografıkalyq, geofızıkalyq jáne geotehnıkalyq zertteýler; 9) jer qoınaýyn paıdalaný jónindegi opera­sııa­larǵa baılanysty ózge de ǵylymı zertteýler. 2. Teńizdegi ǵylymı-zertteýlerdi júrgizý tártibi 7. Teńizdegi ǵylymı-zertteýlerdi júrgizýge múddeli tulǵalar (budan ári – ótinish berýshi) quzyretti organǵa ótinim beredi. О́tinimde mynalar qamtylýy tıis: 1) zańdy tulǵanyń ataýy, jeke tulǵanyń tegi, aty, ákesiniń aty; 2) ótinish berýshiniń sońǵy úsh jyl ishinde óz qyzmetin júzege asyrǵan memleketterdiń tizimin qosa alǵanda, onyń burynǵy qyzmeti týraly aqparat; 3) teńizdegi ǵylymı-zertteýlerdiń sıpaty men maqsaty týraly aqparat; 4) teńizdegi ǵylymı-zertteýlerdi júrgizý kezinde paıdalanylatyn ádister men quraldar týraly aqparat; 5) teńizdegi ǵylymı-zertteýlerdi júrgizý josparlanatyn aýdannyń geografııalyq koordı­nat­tary, kórsetilgen aýdandarǵa baratyn jáne keri qaıtatyn marshrýttar; 6) zertteý júrgizetin kemelerdiń alǵashqy keletin jáne túpkilikti ketetin boljamdy kún­deri, ǵylymı jabdyqtardy ornalastyrý jáne shyǵarý merzimderi; 7) teńizdegi ǵylymı-zertteýlerdiń adamnyń ómiri men densaýlyǵyna jáne qorshaǵan teńiz aıasyna tıgizetin jaǵymsyz áserin shekteý jáne boldyrmaý jónindegi josparlanǵan sharalar týraly aqparat. Osy aqparatpen bir ýaqytta ótinish berýshi bel­gilengen zertteýlerdiń teńiz aıasyna, mıneraldyq jáne jandy resýrstarǵa yqtımal áserin baǵalaý jónindegi esepterdi usynady. Merdigerlik uıym tartylǵan jaǵdaıda ótinim berýshi osyndaı merdigerlik uıymǵa qatysty osy tarmaqtyń 1) jáne 2) tarmaqshalarynda kórsetilgen málimetterdi beredi. 8. Osy Qaǵıdanyń 7-tarmaǵynda kórsetilgen qujattardy alǵannan keıin quzyretti organ on jumys kúni ishinde olardy jer qoınaýyn zerdeleý jáne paıdalaný, qorshaǵan ortany qorǵaý, sý resýrstary, ónerkásiptik qaýipsizdik, keden isi jáne memlekettik shekarany qorǵaýdy qamta­ma­syz etý salasyndaǵy ýákiletti organdarǵa jiberedi, olar otyz jumys kúni ishinde teńizdegi ǵylymı zertteýlerdi júrgizý múmkindigine kelisedi. Kórsetilgen merzim qosymsha aqparat usy­ný qajet bolǵan jaǵdaıda, biraq osyndaı aq­pa­rat alynǵan kúnnen bastap otyz kúnnen as­paıtyn merzimge uzartylady. 9. Quzyretti organ osy Qaǵıdanyń 9-tar­maǵynda kórsetilgen ýákiletti organdardan kelisim alǵannan keıin on jumys kúni ishinde te­ńizdegi ǵylymı-zertteýlerdi júrgizýge arnalǵan ruqsatty nemese negizdelgen bas tartýdy beredi. 10. Mynadaı jaǵdaılarda: 1) eger osy jumystar: Qazaqstan Respýblıkasynyń ulttyq qaýip­sizdigine qaýip tóndirse nemese tóndirýi múmkin bolsa; qorshaǵan teńiz aıasyn qorǵaý, tabıǵı re­sýrs­tardy saqtaý, sondaı-aq teńizderdiń sý resýrs­taryn keshendi paıdalaný talaptarymen úıles­peıtin bolsa; Qazaqstan Respýblıkasynyń aýmaǵynda tyıym salynǵan jabdyqty, qondyrǵylardy nemese is-qımyldardy qamtıtyn bolsa; Qazaqstan Respýblıkasynyń teńiz akva­torııa­synyń qazaqstandyq bóliginde óziniń egemendi jáne aıryqsha quqyqtaryn júzege asyrýda júrgizetin qyzmetine kedergi keltiretin bolsa; jasandy araldardy, qondyrǵylardy jáne qury­lystardy salýdy, qoldanýdy nemese paı­dalanýdy qamtıtyn bolsa. 2) osy Qaǵıdanyń 9-tarmaǵynda kórsetilgen ýákiletti organdardyń kelisýden bas tartýy bolsa, ótinim berýshige teńizdegi ǵylymı zertteýlerdi júrgizýge ruqsat berýden bas tartylady. 11. Bas tartqan jaǵdaıda quzyretti organ bas tartý sebepterin kórsetip, ótinim berýshini jazbasha nysanda habardar etedi. 12. Teńizdegi ǵylymı-zertteýlerdi júrgizýge ruqsat alǵannan keıin ótinim berýshi qorshaǵan ortaǵa áserin baǵalaýdy (QOÁB) qamtıtyn zertteý jumystarynyń jobasyn daıyndaıdy, ony tapsyrys berýshi (teńizdegi ǵylymı zertteýlerdi júrgizýdi uıymdastyrýshy adam) bekitedi jáne qorshaǵan ortany qorǵaý salasyndaǵy ýákiletti organmen kelisiledi. Qorshaǵan ortany qorǵaý salasyndaǵy ýákiletti organ zertteý jumys­ta­rynyń jobasyn Ekologııalyq kodekste belgilengen merzimderde qaraıdy. 13. Teńizdegi ǵylymı-zertteýler tapsyrys berýshi bekitken ǵylym jáne ǵylymı-teh­nı­kalyq qyzmet salasyndaǵy ýákiletti memlekettik organǵa memlekettik ǵylymı-tehnıkalyq saraptama júrgizý úshin jiberiletin zertteý ju­mys­tarynyń jobasyna sáıkes júrgiziledi. 14. Zertteýler baǵdarlamasynda aıtarlyqtaı ózgerister bolǵan jaǵdaıda, zertteýlerdi júr­gizetin adam on bes jumys kúni ishinde quzyretti organǵa tıisti habarlamany jiberedi. Quzyretti organ habarlama alǵan kúnnen keıin zertteýlerdi júrgizetin adamdy osy Qaǵıdanyń 8 jáne 9-tarmaqtarynda kórsetilgen tártippen osy ózgeristermen kelisý nemese kelisýden bas tartý týraly habardar etedi. 15. Teńizdegi ǵylymı-zertteýler aıaqtal­ǵan­nan keıin teńizdegi ǵylymı zertteýlerdi júrgizgen adam: 1) teńizdegi ǵylymı-zertteýler aıaqtalǵan kún­nen bastap úsh aıdan keshiktirmeı quzyretti organǵa ǵylym jáne ǵylymı-tehnıkalyq qyzmet salasyndaǵy ýákiletti memlekettik organǵa memlekettik ǵylymı-tehnıkalyq saraptama júrgizý úshin oryndalǵan zertteýler nátıjeleri bo­ıynsha ǵylymı-tehnıkalyq esepti jiberedi; 2) jer qoınaýyn zerdeleý jáne paıdalaný jáne qorshaǵan ortany qorǵaý jónindegi ýá­kiletti organdarǵa meteorologııalyq, gıdro­logııalyq, gıdrohımııalyq, gıdrobıologııalyq ba­qylaýlar, qorshaǵan ortanyń jaı-kúıin, onyń lastanýyn baqylaýlar, sondaı-aq teńizdegi ǵylymı zertteýlerdi júrgizýge arnalǵan ruq­satta kózdelgen jaǵdaılarda basqa da ba­qy­laýlar derekteriniń, sondaı-aq olardyń ǵylymı qun­dylyǵyna zııan keltirmeı, Qazaqstan Res­pýblıkasy úshin bólinýi (bólip berilýi) múmkin úlgilerdiń kóshirmelerin usynady. 16. Teńizdegi ǵylymı-zertteýler osy Qaǵı­danyń 10-tarmaǵynyń 1) tarmaqshasynda kózdel­gen jaǵdaılar anyqtalǵan kezde quzyretti organ­nyń sheshimi boıynsha toqtatyla turady. Quzyretti organ on jumys kúni ishinde te­ńiz­degi ǵylymı zertteýlerdi júrgizetin adamǵa tıisti habarlamany jiberedi jáne jol berilgen buzýshylyqtardy joıý úshin qajetti merzimdi belgileıdi. Teńizdegi ǵylymı-zertteýlerdi qaıta bastaý jol berilgen buzýshylyqtar joıylǵannan keıin quzyretti organnyń sheshimimen júzege asy­rylady. Teńizdegi ǵylymı-zertteýlerdi júrgizý qaǵıdasyna qosymsha Teńizdegi ǵylymı-zertteýlerdi júrgizýge arnalǵan R U Q S A T 1. _______________________________berildi (jeke tulǵanyń T.Á.A. , zańdy tulǵanyń nysany, ataýy) 2. ___________________________________ (teńizdegi ǵylymı-zertteýler júrgizý aýmaǵynyń koordınattary) 3. ____________________________________ (teńizdegi ǵylymı-zertteýlerdi júrgizý merzimi) 4. Baılanys ustaýǵa qajet Qazaqstan Respýblıkasynyń jaǵadaǵy qyzmetteri. Tirkeý nómiri 20__j. «___»______ № ______ Basshy «____» ____________________ (M.O.)