Keshe Astanada Qazaqstan Respýblıkasynyń Syrtqy ister mınıstri Erlan Ydyrysov Ujymdyq qaýipsizdik sharty uıymynyń (UQShU) Bas hatshysy Nıkolaı Bordıýjany qabyldady, dep habarlady osy vedomstvonyń baspasóz qyzmeti.
Kezdesý barysynda áńgimelesýshiler halyqaralyq ahýaldyń kókeıkesti máseleleri týraly, sondaı-aq, UQShU-ǵa múshe memleketterdiń ujymdyq qaýipsizdigin qamtamasyz etýdegi uıymnyń róli týraly pikir almasty. UQShU Bas hatshysy 2015 jyly qabyldanǵan UQShU Ujymdyq qaýipsizdik keńesi sheshimderiniń júzege asyrylý barysy jáne UQShU-nyń daǵdarystyq áreket etý júıesin damytýǵa kózqarastar týraly habarlady.
E.Ydyrysov pen N.Bordıýja ústimizdegi jylǵy uıym sheńberindegi iri is-sharalardyń kestesi men usynylatyn kún tártibin, atap aıtqanda, shildede ótetin Syrtqy ister mınıstrleri keńesi men kúzde ótetin UQShU-nyń Memleket basshylary deńgeıindegi Ujymdyq qaýipsizdik keńesiniń kún tártibin qarastyrdy.
Áńgimelesýshiler, sondaı-aq, UQShU-ǵa múshe memleketterdiń terrorızmmen jáne dinı ekstremızmmen kúres salasyndaǵy yntymaqtastyǵyn ulǵaıtý, túrli halyqaralyq alańdarda tıisti birlesken usynystardy ilgeriletý perspektıvalaryn talqylady. E.Ydyrysov atap ótkendeı, mundaı yntymaqtastyq bizdiń uıym sheńberindegi ózara baılanystardyń jańa qyryn ashady jáne Qazaqstan Prezıdenti N.Á.Nazarbaev BUU-nyń Bas Assambleıasynda ótken jyldyń qyrkúıeginde usynǵan BUU qoldaýymen Jahandyq antıterrorlyq koalısııa (jeli) qurý jónindegi bastamany júzege asyrýǵa jaǵdaı jasaıtyn bolady.