Rojdestvo merekesimen quttyqtady

Memleket basshysy Nursultan Nazarbaev elimizdiń pravoslavıelik hrıstıandaryn jáne barsha qazaqstandyq­tar­dy jarqyn meıram – Rojdestvo merekesimen quttyqtady.  Rojdestvo – izgi úmitter men jaqsylyqtardyń merekesi. Ol adamdardy ıgi ister jasaýǵa, qudaıdyń ósıetimen beıbitshilik pen kelisimde ómir súrýge umtylýda bastaryn biriktiredi, delingen Elbasynyń quttyqtaýynda. Osy máńgilik qundylyqtar, ásirese, túrli senimdegi jáne et­nostaǵy adamdar dostyq aýa­nyn­da ómir súretin Qazaqstanda erekshe qurmetteledi. Bizdiń birligimiz ben ynty­ma­ǵy­myzdyń arqasynda Qazaqstan yrǵaqty damýyn jalǵastyrýda. Elimizdiń halyqaralyq arena­daǵy bedeli nyǵaıa túsýde. Qazaqstan Uıymǵa múshe elder memleket jáne úkimet bas­shy­larynyń tarıhı mánge ıe Astana Sammıti zańdy qory­tyn­dy­sy bolǵan EQYU-daǵy tóraǵa­ly­ǵyn tabysty júzege asyrdy. О́tken jyl Qazaqstandaǵy Orys Pravoslavıe shirkeýi úshin este qa­lar­lyq oqıǵamen erekshelendi. Astanada Máskeý jáne Búkil Reseı Pat­rıarhy Kırıll bolyp qaıtty. Ol elordada Or­talyq Azııadaǵy asa iri Ýspen kafedraldy soboryn sáýle­len­dirdi. Bul sapar bizdiń elimizdegi pravoslavıe jáne ıslam qaýymy ara­syndaǵy izgilikti qarym-qaty­nas­ty nyǵaıtýda ma­ńyzdy qadam boldy. Rojdestvo jarqyn merekesinde izgilikti isteri men oı-nıetteri Otanymyzdyń damýy men órken­deýine úles qosyp kele jatqan respýblıkanyń barlyq pravoslavıe azamattaryna rızashylyq sózimdi aıtqym keledi, deıdi Prezıdent. Elbasy quttyqtaýynyń so­ńyn­da barlyq qazaqstandyqtarǵa myqty densaýlyq, beıbitshilik pen ıgilik tileı kelip, ár ot­ba­synda baqyt, súıispenshilik pen ózara túsinistik saltanat qur­ǵa­nyn qalaıtynyn jetkizedi.